Chiranjeevi: ఆస్కార్‌ ట్రోఫీ పైకెత్తి ఉప్పొంగిన చిరంజీవి.. చంద్రబోస్‌కు భోలా శంకర్ టీమ్ సన్మానం!

95th అకాడమీ అవార్డ్స్ వేడుకలో RRR చిత్రంలోని ‘నాటు నాటు’ (Naatu Naatu) పాట ఆస్కార్ అవార్డ్ గెలుచుకుంది. బెస్ట్ ఒరిజినల్ సాంగ్ విభాగంలో ఈ అవార్డ్ లభించగా.. కంపోజర్ కీరవాణి, లిరిసిస్ట్ చంద్రబోస్ (Chandrabose) ఆస్కార్ వేదికపై ట్రోఫీలు అందుకున్నారు. ఇది తెలుగువారికే కాక భారతీయ సినిమాకు దక్కిన గొప్ప వరం. ఇక RRR టీమ్ ఇండియాకు తిరిగొచ్చిన తర్వాత పలు సంస్థలు వారిని సన్మానిస్తు్న్నాయి. ఈ క్రమంలోనే రామ్ చరణ్ (Ram Charan) బర్త్‌డే పార్టీలో రాజమౌళి ఫ్యామిలీని టాలీవుడ్ సినీ సెలబ్రిటీల సమక్షంలో సత్కరించిన మెగాస్టార్ చిరంజీవి (Megastar Chiranjeevi).. తాజాగా లిరిసిస్ట్ చంద్రబోస్‌ను సైతం సన్మానించారు.‘భోలా శంకర్’ (Bhola Shankar) టీమ్‌తో కలిసి చంద్రబోస్‌ను శాలువాతో సన్మానించిన చిరంజీవి. ఈ సందర్భంగా చంద్రబోస్ నుంచి ఆస్కార్ ట్రోఫీ (Oscars Trophy) అందుకున్న ఆయన.. దాన్ని పైకెత్తి సంతోషంతో ఉప్పొంగిపోయారు. ప్రస్తుతం ఈ ఫొటోలు నెట్టింట వైరల్ అవుతున్నాయి. ఈ ఫొటోల్లో ‘భోలా శంకర్’ టీమ్ మొత్తం ఉండగా.. చిరంజీవి ఆనందాన్ని చూసి నెటిజన్లు పాజిటివ్‌గా కామెంట్లు చేస్తున్నారు.
Allu Arjun: అల్లు, మెగా ఫ్యాన్స్ ఆన్‌లైన్ వార్.. రామ్‌చరణ్‌కు అల్లు అర్జున్ వీడియో కాల్!
నిజానికి టాలీవుడ్‌లో దశాబ్దాల పాటు నంబర్ వన్ హీరోగా కొనసాగిన చిరంజీవికి ఈ రేంజ్‌కు వరల్డ్ ఫేమస్ అవార్డ్ దక్కలేదు. కానీ తనకు కొడుకు రామ్ చరణ్ నటించిన సినిమాకు ఈ అవార్డ్ పట్ల తండ్రిగానే కాక ఒక నటుడదిగా ఉప్పొంగిపోయారు మెగాస్టార్. ఆస్కార్ ట్రోఫీని పట్టుకున్నపుడు పొందిన సంతోషం ఆయన కళ్లల్లో కనిపిస్తోంది కూడా.

ఇక ఈ ఏడాది మొదట్లో ‘వాల్తేర్ వీరయ్య’ చిత్రంతో బ్లాక్ బస్టర్ హిట్ కొట్టిన చిరంజీవి ప్రస్తుతం ‘భోలా శంకర్’ సినిమాలో నటిస్తున్నారు. మోహర్ రమేష్ దర్శకత్వం వహిస్తున్న ఈ చిత్రం తమిళంలో అజిత్ నటించిన ‘వేదాళం’ రీమేక్. ఇందులో చిరంజీవి పక్కన హీరోయిన్‌గా తమన్నా భాటియా నటిస్తుండగా.. ఆయన చెల్లిలి పాత్రలో కీర్తి సురేష్ కనిపించనుంది. మెలోడి బ్రహ్మ మణిశర్మ కొడుకు మహతి స్వర సాగర్ మ్యూజిక్ అందిస్తున్న ఈ చిత్రం ఆగస్టు 11న విడుదల కానుంది.

• Read latest Tollywood updates and Telugu News