God Father: సల్మాన్ ఖాన్ ప్రేమతో చేశాడు.. పూరీ జగన్నాథ్ చస్తే చేయనన్నాడు: చిరంజీవి

మెగాస్టార్ చిరంజీవి (Megastar Chiranjeevi) లేటెస్ట్ మూవీ 'గాడ్ ఫాద‌ర్‌' (God Father) ప్రమోషన్ కార్యక్రమాలు షురూ అయ్యాయి. అక్టోబర్ 5న ఈ సినిమా ఆడియన్స్ ముందుకు రానుండగా.. అభిమానులకు భారీ అంచనాలు నెలకొన్నాయి. ఇప్పటికే రిలీజ్ అయిన తార్ మార్ త‌కర్ (Thaar Maar) మార్ సాంగ్‌కి అమేజింగ్ రెస్పాన్స్ వ‌స్తోంది. మోహన్ రాజా (Mohan Raja) దర్శకత్వంలో రూపొందిన ఈ మూవీ.. సెన్సార్ కార్యక్రమాల‌ను కూడా పూర్తి చేసుకుని ‘యు/ఎ’ స‌ర్టిఫికేట్‌ను పొందింది. త్వర‌లోనే ప్రీ రిలీజ్ ఈవెంట్‌ను అనంత‌పురం (Anantapur)లో భారీగా నిర్వహించ‌డానికి స‌న్నాహాలు చేస్తున్నారు.

ప్రమోషన్స్‌లో భాగంగా గాడ్ ఫాదర్ మూవీ సరికొత్తగా ప్లాన్ చేసింది. విమానంలో చిరంజీవిని యాంకర్ శ్రీముఖి ఇంటర్వ్యూ చేసింది. ఇందుకు సంబంధించిన ప్రోమోను రిలీజ్ చేయగా.. నెట్టింట తెగ వైరల్ అవుతోంది. 'రాజకీయాలకు నేను దూరంగా ఉన్నాను. కానీ రాజ‌కీయం నా నుంచి దూరం కాలేదు..' అనే డైలాగ్ మరోసారి చెప్పి అలరించారు మెగాస్టార్.

''హీరోయిన్స్, సాంగ్స్ లేవెంటీ అనే ఆలోచన లేకుండా సబ్జెక్ట్ గాడ్ ఫాదర్. సల్మాన్ ఖాన్ కేవలం ప్రేమతో ఈ సినిమా చేశాడు. హ్యాట్సాఫ్ టు సల్మాన్ భాయ్. 'సార్ నేను చస్తే చేయను..' అని పూరీ జగన్నాథ్ అన్నాడు. ఆయనలో కమాండింగ్ ఉన్న నటుడు ఉన్నాడని చూసిన తరువాత మీరే ఆశ్చర్యపోతారు. ఈ సినిమాకు ఎస్ఎస్ థమన్ ఆరో ప్రాణం. ఒక్క మాటలో చెప్పాలంటే గాడ్ ఫాదర్ నిశ్శబ్ద విస్పోటనం.'' అంటూ చిరంజీవి చెప్పొకొచ్చారు.

మ‌ల‌యాళ చిత్రం లూసిఫ‌ర్‌ (Lucifer)కి రీమేక్ ‘గాడ్ ఫాదర్’ మూవీ తెరకెక్కింది. పొలిటిక‌ల్ డ్రామాలో రూపొందిన ఈ సినిమాలో న‌య‌న‌తార (Nayanthara) ఇందులో చిరంజీవి చెల్లెలుగా న‌టించింది. స‌త్యదేవ్ (Sathya Dev) విల‌న్‌గా.. బాలీవుడ్ కండ‌ల‌వీరుడు స‌ల్మాన్ ఖాన్ (Salman Khan) చిరంజీవి రైట్ హ్యాండ్ పాత్రలో క‌నిపించ‌బోతున్నారు. రామ్ చరణ్, ఆర్‌బీ చౌదరి, ఎన్‌వీ ప్రసాద్ ఈ చిత్రాన్ని నిర్మించారు.