యాప్నగరం

Waltair Veerayya లో చిరంజీవి ఐకానిక్ డ్యాన్స్ స్టెప్.. క్రేజీ అప్‌డేట్ వెలుగులోకి

Waltair Veerayya మూవీ కోసం అభిమానులు చాలా ఆసక్తిగా ఎదురుచూస్తున్నారు. గత ఏడాది నుంచే ఈ సినిమా ప్రమోషన్స్‌లో చిత్ర యూనిట్ బిజీగా ఉంది. మెగాస్టార్ చిరంజీవి స్వయంగా సోషల్ మీడియా ద్వారా ఎప్పటికప్పుడు ఈ సినిమా అప్‌డేట్స్‌ని అభిమానులకి తెలియజేస్తూ వచ్చారు. జనవరి 13న సంక్రాంతి కానుకగా వాల్తేరు వీరయ్య మూవీ థియేటర్లలోకి వస్తోంది. ఈ సినిమా నుంచి ఇప్పటికే నాలుగు పాటలు విడుదల అయ్యాయి. అన్నీ అభిమానుల్ని ఆకట్టుకున్నాయి.

Authored byరాజేంద్ర గాలేటి | Samayam Telugu 6 Jan 2023, 3:27 pm

ప్రధానాంశాలు:

  • ఈ నెల 13న రిలీజ్ కాబోతున్న వాల్తేరు వీరయ్య
  • ఆదివారం విశాఖపట్నంలో ప్రీరిలీజ్ ఈవెంట్‌కి ఏర్పాట్లు
  • సంక్రాంతికి మొత్తం ఐదు సినిమాలు రిలీజ్
  • చిరంజీవి మూవీపై పెరిగిపోయిన అంచనాలు
హైలైట్స్ చదవాలంటే యాప్‌ను డౌన్‌లోడ్ చేసుకోండి
Samayam Telugu Megastar Chiranjeevi
వాల్తేరు వీరయ్యలో చిరంజీవి
మెగాస్టార్ చిరంజీవి (Megastar Chiranjeevi) ‘ఇంద్ర’ మూవీలో వేసిన వీణ స్టెప్‌ని ఎవరు మరిచిపోగలరు..? ఆ మూవీ వచ్చి 20 ఏళ్లు అవుతున్నా ఇప్పటికీ ఆ స్టెప్ అక్కడక్కడా కనిపిస్తూనే ఉంటుంది. అంతలా వీణ స్టెప్ మ్యాజిక్ చేసింది. చిరంజీవి నటించిన ‘వాల్తేరు వీరయ్య’ (Waltair Veerayya) మూవీ ఈ నెల 13న సంక్రాంతి కానుకగా థియేటర్లలోకి రాబోతోంది. బాబి దర్శకత్వంలో తెరకెక్కిన ఈ సినిమాలో చిరంజీవి చాలా కాలం తర్వాత ఫుల్ మాస్ లుక్‌లో కనిపిస్తున్నారు. ఇప్పటికే విడుదలైన పాటలు, గ్లింప్స్ మూవీపై అంచనాల్ని పతాక స్థాయికి చేర్చాయి.
వాల్తేరు వీరయ్య మూవీలోని పాటలన్నింటికీ శేఖర్ మాస్టర్ కొరియా గ్రాఫర్‌గా వ్యవహరించాడు. ఇటీవల కాలంలో పెద్ద హీరో సినిమాలో పాటలన్నింటికీ ఒక్కరే కొరియోగ్రాఫర్‌గా ఉండటం చాలా అరుదు. ఈ మూవీలో ‘బాస్ పార్టీ’ అనే ఐటెం సాంగ్ ఉండగా.. ఈ పాటలో బాలీవుడ్ నటి ఊర్వశి రౌతేలాతో కలిసి చిరంజీవి డ్యాన్స్ చేశారు. ఈ పాటలోని స్టెప్స్ చిరంజీవికి అమితంగా నచ్చడంతో మిగిలిన అన్ని పాటలకీ కూడా శేఖర్ మాస్టర్‌కే అవకాశం కల్పించినట్లు తెలుస్తోంది. దాంతో శేఖర్ మాస్టర్ కూడా ఇంద్ర మూవీలోని వీణ స్టెప్ తరహాలో చిరంజీవికి ఓ స్టెప్‌ని క్రియేట్ చేసినట్లు తాజాగా వెలుగులోకి వచ్చింది.

వాల్తేరు వీరయ్య మూవీ ప్రీరిలీజ్ ఈవెంట్‌ని ఆదివారం విశాఖపట్నంలోని ఆంధ్ర‌ యూనివర్శిటీ ఇంజినీరింగ్ గ్రౌండ్స్‌లో ప్లాన్ చేశారు. ఈ ఈవెంట్‌కి చిరంజీవితో పాటు మాస్ మహరాజా రవితేజ, శృతి హాసన్ తదితరులు హాజరయ్యే అవకాశం ఉంది. ఇటీవల హైదరాబాద్‌లో నిర్వహించిన ప్రెస్‌మీట్‌కి శృతి హాసన్ హాజరు కాలేదు. వాల్తేరు వీరయ్య మూవీకి సంబంధించి ఇప్పటికే సెన్సార్ వర్క్ మొత్తం పూర్తయిపోయింది. ఈ సినిమా నిడివి 160 నిమిషాలుకాగా.. యు/ఏ సర్టిఫికెట్‌ని ఇచ్చారు. మైత్రీ మూవీ మేక‌ర్స్ బ్యాన‌ర్‌పై వస్తున్న ఈ మూవీని న‌వీన్ ఎర్నేని, వై.ర‌వి శంక‌ర్ నిర్మించారు.

వాల్తేరు వీరయ్య మూవీకి పోటీగా నాలుగు సినిమాలు సంక్రాంతి రేసులో ఉన్నాయి. ఇందులో నందమూరి బాలకృష్ణ నటించిన వీరసింహా రెడ్డి ముందు వరుసలో ఉండగా.. సంతోష్ శోభన్ నటించిన ‘కళ్యాణం కమనీయం’ కూడా ఉంది. అలానే తమిళ్ హీరోలు విజయ్ నటించిన వారసుడు, అజిత్ నటించిన తెగింపు సినిమాలు కూడా ఈ సంక్రాంతికే రిలీజ్ అవుతున్నాయి. ఈ ఐదు సినిమాలు రోజుల వ్యవధిలోనే విడుదల కాబోతున్నాయి.

Read Latest Telugu Movies News , Telugu News
రచయిత గురించి
రాజేంద్ర గాలేటి
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.