Chiranjeevi: అక్కా చెల్లితో రామ్ చరణ్ ఊటీ ట్రిప్.. ఆనందంతో చిరంజీవి పోస్ట్

RRR మూవీ బ్లాక్‌బస్టర్‌తో పాన్ ఇండియా హీరోగా మారిపోయాడు మెగా పవర్ స్టార్ రామ్ చరణ్ (Ram Charan). ప్రస్తుతం తమిళ స్టార్ డైరెక్టర్ శంకర్ (Shankar) డైరెక్షన్‌లో RC 15 మూవీలో నటిస్తున్నాడు. ఈ సినిమా షూటింగ్ నుంచి చిన్న గ్యాప్ దొరకడంతో ఊటీ అందాలు వీక్షించేందుకు వెళ్లాడు. అక్కా చెల్లెలు, ఫ్రెండ్స్‌తో కలిసి చిన్నపాటి ట్రిప్‌కు వెళ్లిపోయాడు. గత వారం ఫ్లైట్‌లో వెళుతున్న పిక్‌ను చెర్రీ సోషల్ మీడియాలో పంచుకోగా.. ఎక్కడికి వెళుతున్నారో చెప్పలేదు.

తాజాగా మెగాస్టార్ చిరంజీవి (Chiranjeevi) ఓ పిక్‌ను షేర్ చేసి తన ఆనందాన్ని పంచుకున్నారు. 'తమ పిల్లలందరూ ఒక దగ్గర ఉల్లాసంగా గడిపితే ఆ తల్లిదండ్రులకు కలిగే ఉత్సాహమే వేరు..' అంటూ సోషల్ మీడియాలో పోస్ట్ చేశారు. రామ్ చరణ్‌తో పాటు శ్రీజ, సుప్రియ ఫొటోలో ఉన్నారు. ఊటీలోని ఓ రెస్టారెంట్‌లో లంచ్ చేస్తున్న ఫొటోను చిరంజీవి షేర్ చేశారు. ఈ పిక్ నెట్టింట వైరల్ అవుతోంది.


ఇక ఇటీవల ఆచార్య మూవీతో కలిసి నటించిన చిరంజీవి, రామ్ చరణ్.. ప్రస్తుతం ఎవరి సినిమాలతో వారు బిజీగా ఉన్నారు. RC 15 సినిమాలో చెర్రీ బిజీగా ఉండగా.. చిరు మాత్రం వరుస సినిమాలతో తీరిక లేకుండా గడుపుతున్నారు. గాడ్ ఫాదర్, Mega 154, భోళాశంకర్ చిత్రాలకు ఆయన గ్రీన్ సిగ్నల్ ఇచ్చారు. అక్టోబర్ నెలలో గాడ్ ఫాదర్ సినిమా విడుదలకు సిద్ధమవుతోంది. Mega 154 రెగ్యులర్ షూటింగ్ జరుపుకుంటోంది.