Chiranjeevi: గాడ్ ఫాదర్ ప్రీరిలీజ్ ఈవెంట్ వేదికపై చిరు పొలికల్ డైలాగ్.. ప్రజల సొమ్ము తిని బలిసి కొట్టుకుంటున్నారు
గాడ్ ఫాదర్ (God Father) మూవీ ప్రీ రిలీజ్ ఈవెంట్ అనంతపురంలో గ్రాండ్గా జరిగింది. ఈ వేడుకకు వర్షం రూపంలో అంతరాయం వచ్చినా.. మెగాస్టార్ చిరంజీవి (Chiranjeevi) వానలో తడుస్తూ అద్బుతంగా మాట్లాడారు.
అభిమానులు ఎంతోగానో ఎదురుచూస్తున్న మెగాస్టార్ చిరంజీవి (Chiranjeevi) లేటెస్ట్ మూవీ గాడ్ ఫాదర్ (God Father) రాకకు రంగం సిద్ధమవుతోంది. పొలిటికల్ బ్యాక్డ్రాప్లో రూపొందిన ఈ సినిమాపై భారీ అంచనాలు నెలకొన్నాయి. మోహన్ రాజా (Mohan Raja) దర్శకత్వంలో తెరకెక్కిన ఈ మూవీలో బాలీవుడ్ స్టార్ హీరో సల్మాన్ ఖాన్ (Salman Khan), నయనతార (Nayanthara), సత్యదేవ్ (Satyadev), సునీల్ (Sunil), యాంకర్ అనసూయ, స్టార్ డైరెక్టర్ పూరి జగన్నాథ్ కీలక పాత్రలు పోషించారు. సూపర్ గుడ్ ఫిల్మ్స్, కొణిదెల ప్రొడక్షన్స్ సంయుక్తంగా ఈ మూవీని నిర్మిస్తున్నాయి. అక్టోబర్ 5న ఆడియన్స్ ముందుకు రానుండగా.. నేడు (సెప్టెంబర్ 28) అనంతపురం ఆర్ట్స్ కాలేజీ మైదానంలో ప్రీరిలీజ్ ఈవెంట్ (God Father Pre Release Event)ను గ్రాండ్గా నిర్వహించారు.
ఈ సందర్భంగా మెగాస్టార్ చిరంజీవి వర్షంలో తడుస్తూ స్పీచ్ ఇచ్చారు. మూవీలో నటీనటులు, సాంకేతిక బృందం గురించి చెప్పారు. తాను ఎప్పుడు రాయలసీమకు వచ్చినా ఆ నేల తడుస్తుందన్నారు. ఈ వేడుక సమయంలో వర్షం రావడం ఆ భగవంతుడి ఆశీస్సులుగా భావిస్తున్నానని అన్నారు. రామ్ చరణ్ వల్లే తాను ఈ సినిమా చేశానని.. అతని కోరిపైనే ఈ సినిమా చేశానని చెప్పారు. చిరంజీవి స్పీచ్ ఇస్తున్నంతసేపు అభిమానులు వర్షంలో తడుస్తూ.. ఈలలు, కేకలతో హోరెత్తించారు. మెగాస్టార్.. మెగాస్టార్ అంటూ నినదాలు చేశారు.
ఇక చివర్లో చిరంజీవి చెప్పిన డైలాగ్ హైలెట్. గాడ్ ఫాదర్ మూవీలో ఎమ్మెల్యేలను ఉద్దేశించి చెప్పిన డైలాగ్ను ఈ వేదికపై తన స్టైల్లో చెప్పి అలరించారు. 'ప్రతి ఒక్కరు రోడ్డు కాంట్రాక్టులు.. ఇసుక కాంట్రాక్టులు.. కొండ కాంట్రాక్టులు.. నీళ్ల కాంట్రాక్టులు.. నేల కాంట్రాక్టులు.. మద్యం కాంట్రాక్టులు అంటూ ప్రజల దగ్గర సొమ్ము తిని బలిసి కొట్టుకుంటున్నారు. ఈ రోజు మీ ఊపిరి.. మీ గాలి కాంట్రాక్ట్ నేను తీసుకుంటున్నాను. సుపరిపాలన.. సుపరిపాలన అందివ్వాలన్న నిర్ణయం.. తప్పు చేయాలంటే భయం తప్ప మీ మనసులో ఏది ఉండకూడదు. ఏదైనా జరగకూడదని జరిగిందో.. మీ ఊపిరి ఆగిపోతుంది.. ఖబడ్దార్' అంటూ పవర్ డైలాగ్ చెప్పి మెగాస్టార్ అందరి చేత విజిల్స్ వేయించారు.
ఈ సందర్భంగా మెగాస్టార్ చిరంజీవి వర్షంలో తడుస్తూ స్పీచ్ ఇచ్చారు. మూవీలో నటీనటులు, సాంకేతిక బృందం గురించి చెప్పారు. తాను ఎప్పుడు రాయలసీమకు వచ్చినా ఆ నేల తడుస్తుందన్నారు. ఈ వేడుక సమయంలో వర్షం రావడం ఆ భగవంతుడి ఆశీస్సులుగా భావిస్తున్నానని అన్నారు. రామ్ చరణ్ వల్లే తాను ఈ సినిమా చేశానని.. అతని కోరిపైనే ఈ సినిమా చేశానని చెప్పారు. చిరంజీవి స్పీచ్ ఇస్తున్నంతసేపు అభిమానులు వర్షంలో తడుస్తూ.. ఈలలు, కేకలతో హోరెత్తించారు. మెగాస్టార్.. మెగాస్టార్ అంటూ నినదాలు చేశారు.
ఇక చివర్లో చిరంజీవి చెప్పిన డైలాగ్ హైలెట్. గాడ్ ఫాదర్ మూవీలో ఎమ్మెల్యేలను ఉద్దేశించి చెప్పిన డైలాగ్ను ఈ వేదికపై తన స్టైల్లో చెప్పి అలరించారు. 'ప్రతి ఒక్కరు రోడ్డు కాంట్రాక్టులు.. ఇసుక కాంట్రాక్టులు.. కొండ కాంట్రాక్టులు.. నీళ్ల కాంట్రాక్టులు.. నేల కాంట్రాక్టులు.. మద్యం కాంట్రాక్టులు అంటూ ప్రజల దగ్గర సొమ్ము తిని బలిసి కొట్టుకుంటున్నారు. ఈ రోజు మీ ఊపిరి.. మీ గాలి కాంట్రాక్ట్ నేను తీసుకుంటున్నాను. సుపరిపాలన.. సుపరిపాలన అందివ్వాలన్న నిర్ణయం.. తప్పు చేయాలంటే భయం తప్ప మీ మనసులో ఏది ఉండకూడదు. ఏదైనా జరగకూడదని జరిగిందో.. మీ ఊపిరి ఆగిపోతుంది.. ఖబడ్దార్' అంటూ పవర్ డైలాగ్ చెప్పి మెగాస్టార్ అందరి చేత విజిల్స్ వేయించారు.