Ram Charan నట ప్రస్థానానికి 15 ఏళ్లు.. నా కొడుకును చూసి గర్విస్తున్నా: చిరంజీవి

మెగాస్టార్ చిరంజీవి (Chiranjeevi) నట వారసుడిగా తెరంగేట్రం చేసి.. టాలీవుడ్ 'చిరుత' వేగంతో దూసుకువచ్చి.. మగధీరుడిలా రికార్డులు తిరగరాస్తూ.. బాక్సాఫీసు వద్ద 'రచ్చ' చేస్తూ.. 'రంగస్థలం'పై నటన విశ్వరూపాన్ని ప్రదర్శించి.. RRR సినిమాతో ప్రపంచానికి తన సత్తా ఏంటో చూపించాడు మెగా పవర్ స్టార్ రామ్ చరణ్ (Ram Charan). ఇండస్ట్రీకి ఎంట్రీ ఇచ్చి నేటితో 15 ఏళ్లు పూర్తి చేసుకున్నాడు. తండ్రి తగ్గ తనయుడిగా రాణిస్తూ.. పాన్ ఇండియా లెవల్లో స్టార్ హీరోగా ఎదిగాడు.

ఈ సందర్భంగా చిరంజీవి తన తనయుడు రామ్ చరణ్ గురించి గొప్పగా చెబుతూ ట్వీట్ చేశారు. ''ఒక నటుడిగా రామ్ చరణ్ 'చిరుత' నుంచి 'మగధీర'.. 'రంగస్థలం' 'RRR', తాజాగా డైరెక్టర్ శంకర్‌తో RC 15 వరకు తనని తాను మార్చుకుంటూ ఎదిగిన తీరు ఎంతో బాగుంది. తన వర్క్, డెడికేషన్ అన్నీ చూస్తుంటే సంతోషంగా ఉంది. చరణ్ మరిన్ని ఉన్నత శిఖరాలు అందుకోవాలి. నా కొడుకు గురించి నేను గర్విస్తున్నాను. నీ కోసం ఎదురుచూసే మరేన్నో గొప్ప ఘనతలు ఉన్నాయి. వాటి వైపు వెళ్ళు. నువ్వు కచ్చితంగా సాధిస్తావ్..'' అంటూ ఆయన రాసుకొచ్చారు. రామ్ చరణ్‌తో కలిసి దిగిన ఫొటోలను షేర్ చేశారు.


ప్రస్తుతం రామ్ చరణ్ RC 15 మూవీ షూటింగ్‌లో బిజీగా ఉన్నాడు. శంకర్ దర్శకత్వంలో ఈ సినిమాను పాన్ ఇండియా లెవల్లో భారీస్థాయిలో తెరకెక్కిస్తున్నారు. ఈ చిత్రానికి అధికారి (Adhikari) అనే టైటిల్ పరిశీలనలో ఉంది. కియారా అద్వానీ (Kiara Advani) హీరోయిన్‌గా న‌టిస్తుండగా ఎస్‌‌జే సూర్య (SJ Surya), శ్రీకాంత్‌ (Srikanth), సునీల్ (Sunil) త‌దిత‌రులు కీల‌క పాత్రల్లో న‌టిస్తున్నారు. త‌మ‌న్ (Thaman) మ్యూజిక్ అందిస్తున్నారు. వచ్చే ఏడాది వేసవిలో RC 15ను విడుదల చేసేందుకు మూవీ యూనిట్ ప్లాన్ చేస్తోంది.