Suriya: ఇలాంటి పుట్టినరోజులు మరెన్నో జరుపుకో.. సూర్యకు మెగా విషెస్

నందా మూవీతో హిట్ కొట్టి.. కాకక్కాక సినిమాతో స్టార్ నటుడిగా ఎదిగారు హీరో సూర్య (Suriya). తమిళ సూపర్ స్టార్ రజనీకాంత్ తరువాత తెలుగు ఎక్కువ మార్కెట్ కలిగిన నటుడు ఆయన. ఎన్నో డిఫరెంట్ చిత్రాలతో ఆడియన్స్‌ను అలరిస్తున్న ఈ వర్సటైల్ హీరో పుట్టినరోజు నేడు (Suriya Birthday). బర్త్ డే గిఫ్ట్‌గా ఆయన జాతీయ ఉత్తమ న‌టుడిగా అవార్డ్ కూడా వరించిన విషయం తెలిసిందే. సూర్య పుట్టినరోజు సందర్భంగా సినీ ప్రముఖులు అభిమానులు విషెస్ చెబుతున్నారు. ఆయన ఇలాంటి పుట్టినరోజులు మరెన్నో జరుపుకోవాలని కోరుకుంటున్నారు.

సూర్య (HBD Suriya)కు బర్త్ డే విషెస్‌తో పాటు బెస్ట్ యాక్టర్ అవార్డు అందుకున్నందుకు విషెస్ చెబుతూ మెగాస్టార్ చిరంజీవి (Chiranjeevi) ట్వీట్ చేశారు. 'జాతీయ ఉత్తమ నటుడిగా నిలిచిన నా ప్రియమైన సూర్యకు హృదయపూర్వక అభినందనలు. ఈ అవార్డు మీ బర్త్ డే సందర్భంగా రావడం మరింత ప్రత్యేకం. ఇలాంటి పుట్టినరోజులు మరెన్నో జరుపుకోవాలని.. మీకు మరెన్నో మరెన్నో ప్రశంసలు రావాలని కోరుకుంటున్నాను..' అంటూ చిరంజీవి రాసుకొచ్చారు.

సూర్యకు పుట్టినరోజు శుభాకాంక్షలు చెబుతూ మలయాళం స్టార్ నటుడు మోహన్‌ లాల్ ట్వీట్ చేశారు. 'కొన్ని పుట్టినరోజులకు వచ్చే బహుమతులు ఎంతో విలువైనవి. పుట్టినరోజు శుభాకాంక్షలు మరియు మరోసారి అభినందనలు.. ప్రియమైన సూర్యా..!' అంటూ ఆయన పోస్ట్ చేశారు. మరోస్టార్ హీరో ముమ్ముట్టి కూడా సూర్యకు బర్త్ డే విషెస్ చెప్పారు.