పూరీ కొత్త సినిమా ఫస్ట్‌లుక్.. ఇంట్రస్టింగ్!

తనయుడిని హీరోగా పెట్టి దర్శకుడు పూరీ జగన్నాథ్ రూపొందిస్తున్న సినిమా టైటిల్‌ను, ఫస్ట్‌లుక్ ను విడుదల చేశారు. ఈ సినిమా పేరు ‘మెహబూబా’ అని పూరీ పేర్కొన్నారు. ఇందుకు సంబంధించిన ఫస్ట్‌లుక్ ఆసక్తిదాయకంగా ఉంది. ఈ సినిమా ఇండో-పాక్ ప్రేమకథ అనే ప్రచారం ముందు నుంచినే ఉంది. అందుకు తగ్గట్టుగా ఈ సినిమా ఫస్ట్‌లుక్ లో ఆర్టిస్టిక్ గా కనిపించే రైలు, వెనుక వైపు ‘పాకిస్తాన్’ మ్యాపు ఉంది. ఇది 1971 ఇండో, పాక్ యుద్ధ పరిణామాల మధ్య సాగే ప్రేమకథ అని తెలుస్తోంది.

ఈ సినిమాలో నేహాషెట్టి హీరోయిన్ గా నటిస్తోంది. పూరీ కనెక్ట్స్ పతాకంపై ఈ సినిమాను రూపొందిస్తున్నారు. చార్మీ ఈ సినిమాకు ఎగ్జిక్యూటివ్ ప్రొడ్యూసర్ గా వ్యవహరిస్తున్నట్టుగా తెలుస్తోంది.

ఈ సినిమాపై పూరీ స్పందిస్తూ.. ఇది తన ఆలోచనలకు భిన్నమైన కథ అని పేర్కొన్నారు. ఆకాశ్ ‌కి సినిమాలంటే ఆసక్తి అన్నారు. ఈ సినిమాతో సందీప్ చౌతా తిరిగి ఒక తెలుగు సినిమాకు చేస్తున్నట్టుగా పూరీ వివరించాడు. హిమాచల్ ప్రదేశ్, పంజాబ్, రాజస్థాన్ లలో ఈ సినిమా షూటింగ్ జరుగుతుందని పేర్కొన్నారు.

#Mehbooba ❤ @ActorAkashPuri @Neha__Shetty @Sandeep_Chowta @PuriConnects @Charmmeofficial @TheFilmMehbooba pic.twitter.com/7MOo6EMYwf— PURI JAGAN (@purijagan) September 28, 2017