Ram Charan : ఇంటికి పిలిచి ఆ డైరెక్టర్ కాళ్లు మొక్కాడు.. రామ్ చరణ్‌పై మెహర్ రమేష్

మెగా పవర్ స్టార్ రామ్ చరణ్ గురించి మెహర్ రమేష్ చెప్పిన మాటలు ఇప్పుడు వైరల్ అవుతున్నాయి. రామ్ చరణ్ బర్త్ డే నాడు ఫ్యాన్స్ ఏర్పాటు చేసిన ఈవెంట్‌లో మెహర్ రమేష్ చెప్పిన విషయాలు ఇప్పుడు అందరినీ ఆకట్టుకుంటున్నాయి. రామ్ చరణ్ సంస్కారం గురించి చెబుతూ ఎవ్వరికీ తెలియని ఓ విషయాన్ని బయటపెట్టేశాడు.

తాను రామ్ చరణ్ మొదటి బర్త్ డే నుంచి ఉన్నానని చెప్పుకొచ్చాడు. చిరుత నుంచి ఆర్ఆర్ఆర్ వరకు రామ్ చరణ్ ఎదిగాడని సినీ ప్రస్థానం గురించి ప్రస్థావించాడు. ఇక రామ్ చరణ్ సంస్కారం మాత్రం వెలకట్టలేనిది అని ఓ విషయాన్ని చెప్పుకొచ్చాడు. ఈ ఘటన ఎవ్వరికీ తెలియదని అన్నాడు.

‘బాస్ ఈజ్ బ్యాక్ అంటూ చిరంజీవి గారిని మళ్లీ తెర మీదకు తీసుకురావాలని చాలా కష్టపడ్డాడు రామ్ చరణ్. దర్శకుడిగా వివి వినాయక్‌ను పెట్టారు. సినిమా ఎలాగైనా సరే హిట్ అవ్వాలని అనుకున్నాడు. అయితే సినిమా బ్లాక్ బస్టర్ హిట్ అయింది. అది జరిగిన ఓ పది నెలల తరువాత వివి వినాయక్‌ను రామ్ చరణ్ ఇంటికి పిలిచాడు.

రామ్ చరణ్‌కి తెలుగు రాయడం రాదు. అయినా కూడా వి వి వినాయక్ కోసం లెటర్ రాశాడు. తన ప్రేమను వ్యక్తపరిచాడు. సినిమాను హిట్ చేసినందుకు.. శాలువా కప్పి కాళ్లకు దండం పెట్టాడు అదీ రామ్ చరణ్ సంస్కారం’ అంటూ మెహర్ రమేష్ ఎమోషనల్ అయ్యాడు. మొత్తానికి మెహర్ రమేష్ మాటలు మాత్రం మెగా అభిమానులు ఆకట్టుకుంటున్నాయి.