నాని బర్త్ డే విష్: ముద్దుగా మెహ్రీన్ పిలుపు ఇలా!

అన్ని సినిమాల యందు ‘అ!’ సినిమా వేరయా అంటూ వినూత్న ప్రయోగంతో వచ్చిన నానికి ‘అ!’ మూవీ సక్సెస్‌తో అసలు సిసలు బర్త్ డే గిఫ్ట్‌ను అందుకున్నారు. టాలీవుడ్‌లో వరుస హిట్‌లతో క్రేజీ హీరోగా మారారు నేచురల్ స్టార్. ఎవడే సుబ్రహ్మణ్యం మూవీ నుండి ఎంసీఏ వరకూ వరుసగా 8 బ్లాక్ బస్టర్ హిట్‌లు కొట్టిన నాని తాజాగా నిర్మాతగా మారి ‘అ!’ సినిమాతో మరో సక్సెస్ అందుకున్నారు. ఫిబ్రవరి 24న నాని బర్త్ డే కావడంతో ఆయనకు శుభాకాంక్షలు వెల్లువెత్తుతున్నాయి.

తాజాగా నానికి బర్త్ డే విషెష్‌ను తెలియజేస్తూ.. మెహ్రీన్ చేసిన ట్వీట్ ఆసక్తిగా మారింది. ‘హ్యాపీ హ్యాపీ బర్త్ డే క్రిషీ’ అంటూ నానికి పుట్టిన రోజు శుభాకాంక్షలను తెలిపింది మెహ్రీన్. ఇంతకీ క్రీషీ అంటే ఏంటీ అనుకుంటున్నారా? మెహ్రీన్-నాని జోడీగా నటించిన ‘కృష్ణగాడి వీరప్రేమ గాథ’ చిత్రంలో నానిని ముద్దుగా ఇలానే పిలిచేదట మెహ్రీన్. అయితే ప్రస్తుతం నాని మేర్లపాక గాంధీ దర్శకత్వంలో ‘కృష్ణార్జున యుద్ధం’ సినిమాలో నటిస్తుండగా... ఈ సినిమాలో నాని క్రిష్ణ, అర్జున్‌గా ద్విపాత్రాభినయం చేస్తున్నాడు. అప్పుడు ‘కృష్ణార్జున యుద్ధం’ , ఇప్పుడు ‘కృష్ణార్జున యుద్ధం’లో కృష్ణ కామన్‌గా ఉండటంతో నాని ముద్దుగా క్రిషీ అనేసింది మెహ్రీన్.
Happy happy birthday krishiiii 🤗🤗🤗 @NameisNani https://t.co/PnufZlFHO4 — Mehreen Pirzada (@Mehreenpirzada) February 24, 2018