తమిళ క్వీన్‌గా మిల్కీబ్యూటి తమన్నా

కంగనా రనౌత్ కథానాయికగా బాలీవుడ్లో మంచి కలెక్షన్లు రాబట్టిన క్వీన్ చిత్రాన్ని కోలీవుడ్లో రీమేక్ చేయబోతున్నారు. కంగనా పోషించిన పాత్రను ఈ చిత్రంలో మిల్కీ బ్యూటీ తమన్నా పోషించనుందని కోలీవుడ్ వర్గాలు చెపుతున్నాయి. ఈ చిత్రానికి ఇంకా కొన్ని ప్రత్యేకతలు కూడా ఉన్నాయి. ప్రముఖ నటి సుహాసిని ఈ చిత్రానికి డైలాగ్స్ రాస్తుండగా, మరో ప్రముఖ నటి రేవతి దర్శకత్వం వహిస్తున్నారు. 2014లో రూ.12.5 కోట్ల బడ్జెట్టుతో నిర్మించిన క్వీన్ చిత్రం రూ.108 కోట్లు వసూలు చేసింది. దర్శకుడు వికాస్ బాల్ ప్రతిభకు హీరోయిన్ కంగనా రనౌత్ నటన తోడయ్యి సినిమా సూపర్ హిట్ అయిన సంగతి తెలిసిందే.