Mahesh Babu: మనసున్న మహారాజు మహేష్ బాబు.. సూపర్‌స్టార్‌‌తో రోజా ఇంటర్వ్యూ

బర్త్ డే బాయ్ సూప‌ర్ స్టార్ మ‌హేష్ బాబు (Mahesh Babu)కు పుట్టినరోజు శుభాకాంక్షలు వెల్లువెత్తుతున్నాయి. సినీ సెలబ్రిటీలు, రాజకీయ ప్రముఖులు, ఫ్యాన్స్ విషెస్ చెబుతూ.. ఆయన చేస్తున్న సేవల గురించి కొనియాడుతున్నారు. ఏపీ మంత్రి రోజా (Minister Roja) కూడా మ‌హేష్ బాబుకు బర్త్ డే విషెస్ చెబుతూ ట్వీట్ చేశారు. 'ఎంతో మంది చిన్నారులకు పునర్జన్మ ఇస్తున్న మనసున్న మహారాజు మహేశ్ బాబుగారికి జన్మదిన శుభాకాంక్షలు..' అంటూ ఆమె పోస్ట్ చేశారు. ఈ పోస్ట్‌తో పాటు గతంలో మహేష్ బాబును ఇంటర్య్వూ చేసిన వీడియోను కూడా పోస్ట్ చేశారు.

రాజన్నపై సూపర్ స్టార్ మహేశ్ మనసులో మాట అంటూ మంత్రి రోజా క్యాప్షన్ ఇచ్చారు. ఆ వీడియోలో వైఎస్సార్ గారి మీద మీ అభిప్రాయం ఏమిటి..? అని మహేష్ బాబును ప్రశ్నించారు. 'పాలిటిక్స్‌ను పక్కనబెడితే.. రాజశేఖర రెడ్డి గారిని నేను కలిశాను. అప్పుడు జగన్ గారు కూడా ఉన్నారు. ఆయనతో నాన్న గారు చాలా క్లోజ్. నిజాయితీగా చెప్పాలంటే వాళ్లు అమెజింగ్ పీపుల్..' అని మహేష్ బాబు సమాధానం ఇచ్చాడు. ఈ వీడియోను మంత్రి రోజా షేర్ చేశారు. ప్రస్తుతం ఈ వీడియో నెట్టింట వైరల్ అవుతోంది.

మహేష్ బాబు, రోజా ఇద్దరు కలిసి ఒక్క సినిమాలో కూడా నటించలేదు. మహేష్ బాబుతో కలిసి నటించాలని ఉందంటూ గతంలో జబర్దస్త్ షో రోజా చెప్పిన విషయం తెలిసిందే. ప్రస్తుతం రాజకీయాలతో బిజీగా ఉన్న మంత్రి రోజా.. సినిమాలకు, టీవీ షోలకు విరామం ఇచ్చారు. మంత్రిగా బిజిబిజీగా గడుపుతున్నారు. మహేష్ బాబు తండ్రి, నటశేఖర కృష్ణతో కలిసి రోజా నటించారు. ‘తెలుగు వీర లేవర’, ‘ఎన్‌కౌంటర్’ తదితర సినిమాల్లో ఇద్దరు యాక్ట్ చేశారు.