రేపు సాయంత్రం ‘మిస్టర్’ సందడి!
మెగా హీరో వరుణ్ తేజ్, శ్రీను వైట్ల కాంబినేషన్లో వస్తున్న తాజా సినిమా ‘మిస్టర్’.
TNN 21 Mar 2017, 7:17 pm
మెగా హీరో వరుణ్ తేజ్, శ్రీను వైట్ల కాంబినేషన్లో వస్తున్న తాజా సినిమా ‘మిస్టర్’. లావణ్య త్రిపాఠి, హెబ్బా పటేల్ వరుణ్కు జంటగా నటిస్తున్నారు. శ్రీ లక్ష్మీ నరసింహ ప్రొడక్షన్స్ పతకాకంపై నల్లమలపు బుజ్జి, ఠాగూర్ మధు ఈ చిత్రాన్ని నిర్మిస్తున్నారు. ప్రేమకథగా తెరకెక్కుతున్న ఈ సినిమా షూటింగ్ దాదాపు పూర్తికావచ్చింది. అయితే ఈ సినిమా ట్రైలర్ను బుధవారం సాయంత్రం 6 గంటలకు విడుదల చేయనున్నట్లు చిత్ర బృందం ప్రకటించింది. ఈ మేరకు ‘మిస్టర్’ రచయిత గోపీ మోహన్ ట్వీట్ కూడా చేశారు.
శ్రీను వైట్ల సినిమాల్లో మనకు ప్రధానంగా కనిపించేది కామెడీ. కామెడీతోనే ఢీ, రెడీ, దూకుడు వంటి ఘన విజయాలు అందుకున్నారు శ్రీను వైట్ల. అయితే ఒకటే మూస కామెడీతో విసుగుపుట్టిస్తున్నారనే విమర్శలు కూడా ఎక్కువయ్యాయి. దీనికి తోడు ‘ఆగడు’, ‘బ్రూస్ లీ’ సినిమాలు తీవ్రంగా నిరాశపరిచాయి. అందుకనే తన కామెడీ స్టైల్ను పక్కన పెట్టి ఈసారి ప్రేమకథను ఎంచుకున్నారు. ‘కంచె’ సినిమాతో తనేంటో నిరూపించుకున్న వరుణ్ తేజ్తో ఓ కొత్త ప్రేమకథకు శ్రీకారం చుట్టారు. రేపు విడుదల కాబోయే ట్రైలర్తో సినిమా ఎలా ఉండబోతోందో సూచన ప్రాయంగా చెప్పనున్నారు శ్రీను వైట్ల. కాగా, ఈ సినిమాకు మిక్కీ జే మేయర్ స్వరాలు అందించారు.
శ్రీను వైట్ల సినిమాల్లో మనకు ప్రధానంగా కనిపించేది కామెడీ. కామెడీతోనే ఢీ, రెడీ, దూకుడు వంటి ఘన విజయాలు అందుకున్నారు శ్రీను వైట్ల. అయితే ఒకటే మూస కామెడీతో విసుగుపుట్టిస్తున్నారనే విమర్శలు కూడా ఎక్కువయ్యాయి. దీనికి తోడు ‘ఆగడు’, ‘బ్రూస్ లీ’ సినిమాలు తీవ్రంగా నిరాశపరిచాయి. అందుకనే తన కామెడీ స్టైల్ను పక్కన పెట్టి ఈసారి ప్రేమకథను ఎంచుకున్నారు. ‘కంచె’ సినిమాతో తనేంటో నిరూపించుకున్న వరుణ్ తేజ్తో ఓ కొత్త ప్రేమకథకు శ్రీకారం చుట్టారు. రేపు విడుదల కాబోయే ట్రైలర్తో సినిమా ఎలా ఉండబోతోందో సూచన ప్రాయంగా చెప్పనున్నారు శ్రీను వైట్ల. కాగా, ఈ సినిమాకు మిక్కీ జే మేయర్ స్వరాలు అందించారు.