మోహన్ బాబు ‘గాయత్రి’ రిలీజ్ డేట్ ఫిక్స్!

డైలాగ్ కింగ్ మోహన్ బాబు అప్ కమింగ్ మూవీ ‘గాయత్రి’ విడుదలకు సిద్ధమైంది. శ్రీ లక్ష్మీ ప్రసన్న పిక్చర్స్ సొంత బేనర్‌లో మోహన్ బాబు నటిస్తూ.. నిర్మిస్తున్న ‘గాయత్రి’ చివరి దశ షూటింగ్ పూర్తి కావడంతో ఈ చిత్రాన్ని ఫిబ్రవరి 9న విడుదల చేస్తున్నట్టు మోహన్ బాబు ట్విట్టర్ ద్వారా ప్రకటించారు. ఈ చిత్రంలో మోహన్ బాబుతో పాటు మంచు విష్ణు కూడా ఓ కీ రోల్ చేస్తుండగా.. ఇటీవల రామోజీఫిల్మ్ సిటీలో మోహన్ బాబు, విష్ణులపై కీలక సన్నివేశాలను చిత్రీకరించారు.

మదన్ దర్శకత్వంలో రూపొందుతున్న ఈ చిత్రంలో విష్ణు సరసన సీనియర్ నటి శ్రియ నటిస్తుండగా.. నిఖిల విమల టైటిల్ రోల్ చేస్తోంది. ఎస్. ఎస్. తమన్ సంగీతాన్ని అందిస్తున్న ‘గాయత్రి’ చిత్రంలో జబర్దస్త్ యాంకర్ అనసూయ మరో ముఖ్య పాత్రలో సందడి చేయనుంది. ​ తాజాగా గాయత్రి రిలీజ్ డేట్‌ను ప్రకటించిన మోహన్ బాబుకు కుర్రహీరో నిఖిల్‌తో బాక్సాఫీస్ వద్ద వార్ తప్పేట్లు లేదు. నిఖిల్ నటించిన ‘కిర్రాక్ పార్టీ’ మూవీ కూడా ఫిబ్రవరి 9న ప్రేక్షకుల ముందుకు వస్తుండటంతో ఈ రెండు సినిమాల వార్ తప్పనిసరి అయ్యింది.
#GayatriOnFeb9th pic.twitter.com/49gGHPaZzo — Mohan Babu M (@themohanbabu) December 14, 2017