‘గాయత్రి’ టీజర్: మోహన్ బాబు దేవుడట!

‘రామాయణంలోనే రాముడికి రావణాసురుడికి గొడవ.. మాహాభారతంలో పాండవులకి, కౌరవులకి మాత్రమే గొడవ.. వాళ్లు వాళ్లు కొట్టుకుని ఎవరో ఒకరు చనిపోతే బాగుండేది. కాని వాళ్ల మూలంగా జరిగిన ఆ యుద్ధంలో లక్షల మంది సైనికులు చనిపోయారు. పురాణాల్లో వాళ్ళు చేసింది తప్పయితే, ఇక్కడ నేను చేసింది కూడా తప్పే’.. అక్కడ వాళ్లు దేవుళ్లైతే.. నేనూ దేవుడ్నే.. అర్థం చేసుకుంటారో.. అపార్థం చేసుకుంటారో చాయిస్ ఈజ్ యువర్స్ అంటూ ‘గాయత్రి’ టీజర్‌తో వచ్చేశాడు డైలాగ్ కింగ్ మోహన్ బాబు.


మోహన్ బాబు రెండు విభిన్న పాత్రలో నటిస్తున్న ‘గాయత్రి’ టీజర్‌తో ప్రేక్షకులను సర్‌ప్రైజ్ చేశారు డైలాగ్ కింగ్. ఈ చిత్రాన్ని శ్రీ లక్ష్మీ ప్రసన్న పిక్చర్స్ సొంత బేనర్‌లో నిర్మిస్తున్నారు. తాజాగా శనివారం మధ్యాహ్నం ‘గాయత్రి’ టీజర్‌ను ట్విట్టర్ ద్వారా విడుదల చేశారు మోహన్ బాబు. ఇటీవల షూటింగ్ పూర్తిచేసుకున్న ఈ చిత్రానికి పోస్ట్ ప్రొడక్షన్ పనులు జరుగుతున్నాయి. కొత్త సంవత్సరం నాడు విష్ణు, శ్రియలు ఆదర్శ దంపతులుగా కనిపించే పోస్టర్‌కు కూడా మంచి స్పందనే వచ్చింది.

డైలాగ్ కింగ్ మోహన్ బాబు లీడ్ రోల్‌లో మంచు విష్ణు, శ్రియ జోడీగా నటిస్తున్న ఈ చిత్రానికి మదన్ దర్శకత్వం వహిస్తున్నారు. బ్రహ్మానందం మరియు అనసూయ చిత్రంలో ఇతర ముఖ్య పాత్రల్లో కనిపించనున్నారు. డైమండ్ రత్నబాబు కథ మాటలు అందించగా.. తమన్ మ్యూజిక్ అందిస్తున్నారు. భారీ అంచనాలతో వస్తున్న ‘గాయత్రి’ చిత్రం ఫిబ్రవరి 9న ప్రేక్షకుల మందుకు రానుంది.

"పురాణాల్లో వాళ్ళు చేసింది తప్పయితే, ఇక్కడ నేను చేసింది కూడా తప్పే...Choice Is Yours" #GayatriTeaser https://t.co/I3Q4NCiOrf — Mohan Babu M (@themohanbabu) January 13, 2018