Mohan Babu: ఆయన సీఎం కావాలి - మోహన్ బాబు

డీఎంకే నేత స్టాలిన్ తమిళనాడుకు ముఖ్యమంత్రి కావాలని ఆకాంక్షించారు కలెక్షన్ కింగ్ మోహన్ బాబు. ఈ మేరకు ఆయన ఒక ట్వీట్ చేశారు. ఇటీవలే తుదిశ్వాస విడిచిన కరుణానిధి సంస్మరణ సభకు హాజరైన విషయాన్ని ప్రకటిస్తూ మోహన్ బాబు తన ఆకాంక్షను వ్యక్తం చేశారు.

కోయంబత్తూరులో జరిగిన కరుణానిధి సంస్మరణ సభలో మోహన్ బాబు పాల్గొన్నట్టుగా తెలుస్తోంది. ఆ సభకు తనను ఆహ్వానించినందుకు స్టాలిన్‌కు ధన్యవాదాలు తెలిపారు మోహన్ బాబు. స్టాలిన్‌ను సోదరుడిగా సంబోధించిన కలెక్షన్ కింగ్.. డీఎంకే అధ్యక్ష బరిలో ఉన్న స్టాలిన్ తమిళనాడుకు సీఎం కూడా కావాలని ఆకాంక్షించారు. స్టాలిన్‌‌ను తమిళనాడు సీఎంగా చూస్తానని మోహన్ బాబు ఆశాభావం వ్యక్తం చేశారు.