ఫ్యామిలీ యాక్షన్‌ డ్రామాగా `అల వైకుంఠపురములో`
డిఫరెంట్ జానర్‌లో తెరకెక్కిన నా పేరు సూర్య నా ఇల్లు ఇండియా నిరాశపరచటంతో అల వైకుంఠపురములో సినిమాను పక్కా కమర్షియల్‌ ఫార్మాట్‌లో ఫ్యామిలీ యాక్షన్‌ డ్రామాగా రూపొందించారు. మాటల మాంత్రికుడు త్రివిక్రమ్‌ శ్రీనివాస్ దర్శకత్వంలో తెరకెక్కిన ఈ సినిమాలో పూజా హెగ్డే హీరోయిన్‌గా నటించింది. సుశాంత్‌, నివేదా పేతురాజ్‌, టబు, జయరామ్‌, నవదీప్‌లు ఇతర కీలక పాత్రల్లో నటించారు. ఇప్పటికే ఆడియో సూపర్‌ హిట్‌ కావటంతో సినిమా మీద భారీ అంచనాలు ఏర్పడ్డాయి.
ఘనంగా జరిగిన ప్రీ రిలీజ్ ఈవెంట్
రిలీజ్ డేట్‌ దగ్గర పడుతుండటంతో చిత్రయూనిట్ ప్రమోషన్‌ కార్యక్రమంలో వేగం పెంచారు. ఇటీవల అభిమానుల సమక్షంలో హైదరాబాద్‌లో ప్రీ రిలీజ్ ఈవెంట్‌ను ఘనంగా నిర్వహించారు. అల వైకుంఠపురములో మ్యూజికల్‌ కన్సర్ట్‌ పేరుతో ఏర్పాటు చేసిన ఈ కార్యక్రమానికి మంచి రెస్పాన్స్‌ వచ్చింది. దీంతో చిత్రయూనిట్ సినిమా రిజల్ట్ మీద కాన్ఫిడెంట్‌గా ఉన్నారు.
మరో భారీ ఈవెంట్‌కు అల వైకుంఠపురములో టీం ప్లాన్
ఈ చిత్రయూనిట్ మరో భారీ ఈవెంట్‌ను ప్లాన్ చేస్తోంది. అయితే ఆ ఈవెంట్ తెలుగు రాష్ట్రాల్లో కాదు. అల్లు అర్జున్‌కు టాలీవుడ్‌తో పాటు కేరళలోనూ భారీ ఫ్యాన్‌ ఫాలోయింగ్ ఉంది. మాలీవుడ్‌ ఆడియన్స్‌ మల్లు అర్జున్ అంటూ ప్రేమగా పిలుచుకునే బన్నీకి అక్కడ చాలా మంది ఫ్యాన్స్‌ ఉన్నారు. అందుకే అల వైకుంఠపురములో సినిమాను కేరళలోనూ భారీగా రిలీజ్ చేసేందుకు ప్లాన్ చేస్తున్నారు. అందుకే అక్కడ కూడా భారీ ప్రీ రిలీజ్ ఈవెంట్‌ను ప్లాన్ చేస్తున్నారు.
See Photo Story: డిఫరెంట్ లుక్‌లో మెరిసిన హాట్ మెహరీన్
చీఫ్‌ గెస్ట్‌గా మలయాళ సూపర్‌ స్టార్‌
కేరళలో నిర్వహించనున్న అల వైకుంఠపురములో ప్రీ రిలీజ్ వేడుకకు మలయాళ సూపర్‌ స్టార్‌ మోహన్‌లాల్‌ ముఖ్య అతిథిగా హాజరకానున్నాడు. తెలుగులో ఏర్పాటు చేసిన వేడుకకు గెస్ట్ గా ఎవరినీ ఆహ్వానించని చిత్రయూనిట్, మాలీవుడ్‌లో మాత్రం ఏకంగా సూపర్‌ స్టార్‌నే ఆహ్వానించటం హాట్ టాపిక్‌గా మారింది. మరి మోహన్‌ లాల్ వేడుక రావటం బన్నీకి ఎంత వరకు కలిసొస్తుందో చూడాలి.