మోహన్ లాల్ రిలీజ్ చేసిన ‘రా రా’ టీజర్

ప్రముఖ నటుడు శ్రీకాంత్ , నాజియా హీరో హీరోయిన్లుగా నటిస్తున్న ‘రా రా’ మూవీ టీజర్‌ రిలీజైంది. శ్రీమిత్ర చౌదరి సమర్పణలో విజి చెర్రీస్ విజన్స్ నిర్మించిన ఈ చిత్రం నిర్మాణానంతర కార్యక్రమాలు పూర్తిచేసుకోవడంతో... మూవీ టీజర్‌ను మలయాళ సూపర్ స్టార్ మోహన్ లాల్ విడుదల చేశారు.

శ్రీకాంత్, మోహన్ లాల్ కలిసి ‘విలన్’ మూవీలో నటిస్తుండగా.. ఈ చిత్ర షూటింగ్‌లో ‘రా రా’ టీజర్‌ను విడుదల చేశారు. ఈ సందర్భంగా మోహన్ లాల్ మాట్లాడుతూ.. ' రా రా' చిత్రం టీజర్‌ను చూసిన తరువాత చిత్రాన్న్ని ఎప్పుడెప్పుడు చూస్తానా అన్న ఉత్సుకత మరింత పెరిగింది. చిత్రం మంచి విజయం సాధిస్తుందన్న నమ్మకాన్ని అయన వ్యక్తం చేశారు.

హీరో శ్రీకాంత్ మాట్లాడుతూ. మళయాళ సూపర్ స్టార్ మోహన్ లాల్ గారి చేతుల మీదుగా ఈ చిత్రం టీజర్ విడుదల కావటం ఎంతో ఆనందంగా ఉంది. ' ఇది హాస్యం తో కూడిన హర్రర్ థ్రిల్లర్ చిత్రం.

మనుషులకు, దెయ్యాలకు మధ్య సాగే సరదా ఆటలు సగటు సినిమా ప్రేక్షకుడిని వినోదాల తీరంలో విహరింప చేస్తాయి. హర్రర్ కామెడీ ధ్రిల్లర్ చిత్రం నేను తొలిసారి చేస్తున్నాను. 'రా..రా 'చిత్రం ప్రేక్షకుల ఆదరణకు నోచుకుంటుదని ఆశిస్తున్నానని అన్నారు.