Pawan Kalyan: ‘తమ్ముడు బీజేపీ గాలి పీలిస్తే.. ఈ కోడి మెదడు వాళ్ల తుమ్ములు పీల్చేరకం’.. నాగబాబుపై దారుణమైన వ్యాఖ్యలు

తప్పు.. తప్పు..!! నాగబాబు ఏదో తెలిసో తెలియకో.. పొరపాటో లేక గ్రహపాటనో ఆ మాటలేదనడానికి తాజాగా గాడ్సేపై ఆయన పెట్టిన సీక్వెన్స్ పోస్ట్‌ని బట్టి అర్థం చేసుకోవచ్చు. గాంధీని చంపిన గాడ్సేని అసలైన దేశ భక్తుడు అంటూ నాగబాబు చేసిన కామెంట్స్ సినీ, రాజకీయ వర్గాల్లో ప్రకంపనలు రేపుతోంది. ఆయనకు మతి భ్రమించి మాట్లాడుతున్నారని పిచ్చ తిట్లు తిడుతూ ఆయన పోలీస్ కేసు పెట్టే వరకూ వెళ్లింది వ్యవహారం. అయితే మిగతా బ్రదర్స్ మాట పక్కన పెడితే నాగబాబు మాత్రం ముక్కుసూటిగానే మాట్లాడుతుంటారు. తేడాలొస్తే ‘జబర్దస్త్’ లేదు.. ఏం లేదు.. అవసరం అయితే ‘అదిరింది’ అనేస్తా అనే టైప్.

తాజాగా గాడ్సేపై ఆయన చేసిన వ్యాఖ్యలపై సంజాయిషీ ఇచ్చే ప్రయత్నం చేసినా ఆయన చేసిన వ్యాఖ్యలకు మాత్రం కట్టుబడే ఉన్నారు. తాజాగా ఆయన.. ‘సత్యం వద ధర్మం చర.. అంటే (speak the truth.. live the righteous life) నిజం మాట్లాడాలి, న్యాయంగా జీవించాలి అని అర్థం. కానీ, ఎవరో ప్రస్తుత పరిస్థితిని దృష్టిలో పెట్టుకొని వ్యంగ్యంగా అన్న మాట.. సత్యం వధించబడింది.. ధర్మం చెరసాల పాలైనది అన్నారు. వ్యంగ్యంగా అన్నా ఇదే కరెక్ట్ అనిపిస్తుంది’ అని నాగబాబు ట్వీట్ చేశారు.

అంతకు ముందు.. ‘దయచేసి అందరూ నన్ను అర్థం చేసుకోండి. నేను నాధురాం గురించి ఇచ్చిన ట్వీట్ లో నాధురాం చేసిన నేరాన్ని సమర్ధించలేదు. నాధురాం వెర్షన్ కూడా జనానికి తెలియాలి అని మాత్రమే అన్నాను. నాకు మహాత్మ గాంధీ అంటే నాకు చాలా గౌరవం. ఇన్ఫాక్ట్ నన్ను విమర్శించే వల్లకన్నా నాకు ఆయనంటే చాలా గౌరవం’ అంటూ వివాదానికి ముంగింపు పలికే ప్రయత్నం చేసినా ఆయనపై విమర్శల దాడి ఆగడం లేదు.. తాజాగా మూవీ క్రిటిక్ మహేష్ కత్తి నాగబాబుపై ఇష్యూలో టార్గెట్ చేస్తూ దారుణమైన వ్యాఖ్యలు చేశారు. ‘నీ కోడి మెదడుకి ఇంతకన్నా తెలివి అవగాహన ఎక్కడ వస్తాయిలే నాగబాబూ! తమ్ముడు బీజేపీ గాలి పిలిస్తే, వాళ్ళ తుమ్ముల్ని పీల్చేరకంగా నువ్వు తయారయ్యావ్...నీ జీవితం ధన్యం పో!!!’ అంటూ ఎప్పటిలాగే పవన్ కళ్యాణ్‌పై నిప్పులు చెరుగుతూనే.. నాగబాబుని ఏకిపారేశారు కత్తి మహేష్.