భారత క్రికెట్ చరిత్రలో మాజీ కెప్టెన్ మహేంద్ర సింగ్ ధోనిది (MS Dhoni) ప్రత్యేక చాప్టర్. కెప్టెన్‌గా ఇండియాకు మూడు ఐసీసీ టైటిల్స్ అందించి కోట్లాది భారతీయుల అభిమానాన్ని సొంతం చేసుకున్నాడు. ప్రస్తుతం అంతర్జాతీయ క్రికెట్ నుంచి రిటైర్ అయినా.. ఐపీఎల్‌లో చైన్నై సూపర్ కింగ్స్ జట్టును నడిపిస్తూ క్రికెట్ అభిమానులను అలరిస్తు్న్నాడు. ఈ క్రమంలోనే కొన్ని నెలల కిందట ‘ధోని ఎంటర్‌టైన్‌మెంట్ ప్రైవేట్ లిమిటెడ్’ (Dhoni Entertainmet Pvt Ltd) పేరుతో ప్రొడక్షన్ హౌస్ స్థాపించిన విషయం తెలిసిందే. ఈ బ్యానర్ మీద సినిమాలు నిర్మించాలనుకుంటున్న ధోని.. తాజాగా Lets Get Married పేరుతో మొదటి ప్రాజెక్ట్ ప్రకటించాడు.
ధోని ప్రొడక్షన్ హౌస్‌కు ఆయన భార్య సాక్షి సింగ్ మేనేజింగ్ డైరెక్టర్‌గా బాధ్యతలు నిర్వర్తించనుంది. అంతేకాకుండా ఈ బ్యానర్‌పై తెరకెక్కనున్న మొదటి సినిమాకు కథా సహకారం కూడా అందించినట్లు గతంలో వార్తలొచ్చాయి. తమిళ్‌, తెలుగు, కన్నడ, మలయాళ భాషల్లో ఈ చిత్రం విడుదల కానుంది. కాగా ఈ చిత్ర దర్శకుడు రమేష్.. ‘నేను సాక్షి రాసిన కథను చదివినప్పుడు చాలా స్పెషల్‌గా అనిపించింది. మంచి ఫ్యామిలీ ఎంటర్‌టైనర్‌గా తీర్చిదిద్దేందుకు శాయశక్తులా కృషిచేస్తాను’ అని గతంలో వెల్లడించాడు. ఇదిలా ఉంటే, ధోని మొదటి చిత్రాన్ని తమిళంలో నిర్మిస్తుండగా.. ఆ తర్వాత సౌత్ ఇండియన్ లాంగ్వేజెస్‌లో వరుస ప్రాజెక్టుల ప్లానింగ్‌లో ఉన్నారని నెట్టింట రూమర్స్ వినిపిస్తున్న సంగతి తెలిసిందే.
ఇక ఐపీఎల్ సీజన్ 16.. ఏప్రిల్ 1 నుంచి ప్రారంభం కానుంది. చెన్నై సూపర్ కింగ్స్ టీమ్‌కు ధోని ప్రాతినిథ్యం వహిస్తుండగా.. ఈ సీజన్ తర్వాత ఐపీఎల్‌కు కూడా గుడ్ బై చెప్పే అవకాశాలు ఉన్నాయి. ముందు జాగ్రత్తగా గత సీజన్‌లోనే ఆల్‌రౌండర్ రవీంద్ర జడేజాకు కెప్టెన్సీ అప్పగించినా.. ఫెయిల్ కావడంతో కొన్ని మ్యాచ్‌ల తర్వాత తిరిగి ధోని జట్టు పగ్గాలు తీసుకున్న విషయం తెలిసిందే.
ధోని ప్రొడక్షన్ హౌస్‌కు ఆయన భార్య సాక్షి సింగ్ మేనేజింగ్ డైరెక్టర్‌గా బాధ్యతలు నిర్వర్తించనుంది. అంతేకాకుండా ఈ బ్యానర్‌పై తెరకెక్కనున్న మొదటి సినిమాకు కథా సహకారం కూడా అందించినట్లు గతంలో వార్తలొచ్చాయి. తమిళ్‌, తెలుగు, కన్నడ, మలయాళ భాషల్లో ఈ చిత్రం విడుదల కానుంది. కాగా ఈ చిత్ర దర్శకుడు రమేష్.. ‘నేను సాక్షి రాసిన కథను చదివినప్పుడు చాలా స్పెషల్‌గా అనిపించింది. మంచి ఫ్యామిలీ ఎంటర్‌టైనర్‌గా తీర్చిదిద్దేందుకు శాయశక్తులా కృషిచేస్తాను’ అని గతంలో వెల్లడించాడు. ఇదిలా ఉంటే, ధోని మొదటి చిత్రాన్ని తమిళంలో నిర్మిస్తుండగా.. ఆ తర్వాత సౌత్ ఇండియన్ లాంగ్వేజెస్‌లో వరుస ప్రాజెక్టుల ప్లానింగ్‌లో ఉన్నారని నెట్టింట రూమర్స్ వినిపిస్తున్న సంగతి తెలిసిందే.
ఇక ఐపీఎల్ సీజన్ 16.. ఏప్రిల్ 1 నుంచి ప్రారంభం కానుంది. చెన్నై సూపర్ కింగ్స్ టీమ్‌కు ధోని ప్రాతినిథ్యం వహిస్తుండగా.. ఈ సీజన్ తర్వాత ఐపీఎల్‌కు కూడా గుడ్ బై చెప్పే అవకాశాలు ఉన్నాయి. ముందు జాగ్రత్తగా గత సీజన్‌లోనే ఆల్‌రౌండర్ రవీంద్ర జడేజాకు కెప్టెన్సీ అప్పగించినా.. ఫెయిల్ కావడంతో కొన్ని మ్యాచ్‌ల తర్వాత తిరిగి ధోని జట్టు పగ్గాలు తీసుకున్న విషయం తెలిసిందే.
- Read Latest Tollywood Updates and Telugu News