ఖైదీ నెంబర్ 150పై మురుగదాస్ అసంతృప్తి ?

ఖైదీ నెంబర్ 150 మూవీపై ఆ సినిమా ఒరిజినల్ వెర్షన్ అయిన కత్తి మూవీని డైరెక్ట్ చేసిన ప్రముఖ దర్శకుడు ఏఆర్ మురుగదాస్ తీవ్ర అసంతృప్తితో ఉన్నారని తెలుస్తోంది. సినిమాల్లో ఆల్కాహాల్, సిగరెట్ స్మోకింగ్ సన్నివేశాలు పెట్టి, మళ్లీ ఆయా సన్నివేశాలపై హెచ్చరిక అనే స్క్రోలింగ్ ప్లే చేయడం మురుగదాస్‌కి అస్సలు ఇష్టం ఉండదట. అందుకే తన సినిమాల్లో అస్సలు ఆల్కహాల్ సన్నివేశాలే లేకుండా చూసుకుంటాడట మురుగ.

చివరకు విలన్లయినా సరే ఏ కాఫీనో, టీనో తాగుతూ కనిపించాల్సిందే తప్ప మద్యం తాగుతూ కనిపించే సన్నివేశాలు ఉండకూడదనే భావించే మురుగదాస్‌కి 'ఖైదీ నెంబర్ 150'లో చిరంజీవి, అలీల మధ్య ఆల్కహాల్ సన్నివేశాలు జొప్పించడం అస్సలేమాత్రం నచ్చలేదని మురుగదాస్ సన్నిహితవర్గాలు చెప్పుకుంటున్నట్టు సమాచారం. తన ఒరిజినల్ వెర్షన్‌లో లేని సన్నివేశాల్ని ఇలా తెలుగులో మాత్రం ఎందుకు పెట్టాల్సి వచ్చిందనేదే మురుగ ఆవేదన అని సినీవర్గాలు బాహటంగానే చెప్పుకుంటున్నాయి.