మణిశర్మ తండ్రి వైఎన్ శర్మ కన్నుమూత

ప్రముఖ సంగీత దర్శకుడు మణిశర్మ ఇంట్లో విషాదం నెలకొంది. ఆయన తండ్రి యనమండ్ర నాగయజ్ఞ శర్మ ఈ రోజు (మంగళవారం) ఉదయం చెన్నైలో తుది శ్వాస విడిచారు. వైఎన్ శర్మగా సంగీత ప్రియులకు సుపరిచితమైన ఆయన వయస్సు 92 సంవత్సరాలు. వయోలిన్ విద్వాంసుడిగా నాగయజ్ఞ శర్మకు మంచి గుర్తింపు ఉంది. గత కొంతకాలంగా అనారోగ్యం కారణం సమస్యలతో బాధపడుతున్న యనమండ్ర నాగయజ్ఞ శర్మ మరణించడంతో ఆయన కుటుంబంలో విషాద చాయలు అలుముకున్నాయి. ఆయన మృతి పట్ల పలువురు సినీ ప్రముఖులు ప్రగాఢ సంతాపాన్ని తెలియజేస్తూ ఆత్మకు శాంతి చేకూరాలని కోరారు.

తండ్రి ప్రోత్సాహంతో సినీరంగంలోకి అడుగుపెట్టిన మణిశర్మ మెలోడీ మాంత్రికుడిగా ఖ్యాతి గడించారు. తెలుగు, తమిళ భాషల్లో సుమారు 175 చిత్రాలకు పైగా సంగీతాన్ని అందించి ఎంతో మంది నూతన సంగీత దర్శకులను, గాయనీ, గాయకులను పరిశ్రమకు అందించారు.