RRR మూవీ గే స్టోరీ.. బూతులతో ఎంఎం కీరవాణి కౌంటర్.. వెంటనే ట్వీట్స్ డిలీట్..!

RRR మూవీపై ఆస్కార్ అవార్డు గ్రహీత రసూల్ పూకుట్టి (Resul Pookutty) చేసిన వ్యాఖ్యలు చర్చనీయాంశంగా మారాయి. యాక్టర్, డైరెక్టర్, ప్రొడ్యూసర్ మునీష్ చేసిన ట్వీట్‌కు రసూల్ రిప్లై ఇస్తూ.. గే స్టోరీ అని పోస్ట్ చేశాడు. దీంతో ఒక్కసారిగా సోషల్ మీడియాలో రచ్చ మొదలైంది. ఆయనకు బాహుబలి నిర్మాత శోభు యార్లగడ్డ గట్టిగానే రిప్లై ఇచ్చిన సంగతి తెలిసిందే.

తాజాగా రసూల్ పూకుట్టికి RRR మూవీ మ్యూజిక్ డైరెక్టర్ ఎంఎం కీరవాణి (MM Keeravani) అదిరిపోయే కౌంటర్ ఇచ్చారు. మొదట కాస్త ఘాటు పదజాలంతో రిప్లై ఇచ్చిన కీరవాణి.. వెంటనే దాన్ని తొలగించారు. రసూల్ పూకుట్టి ఇంగ్లిష్ స్పెల్లింగ్‌లో డబుల్ మీనింగ్ వచ్చేలా ఆయన పోస్ట్ చేశారు. కీరవాణి ఆ పోస్ట్‌ను తొలగించినా.. నెట్టింట స్క్రీన్ షాట్లు వైరల్ అవుతున్నాయి.


ఆ ట్వీట్ ఆ తరువాత నేడు ఉదయం మరోసారి వరుసగా ట్వీట్స్‌తో ఆయన హోరెత్తించారు. 'నేను RRR మూవీలో రామ్, భీమ్ పాత్రలను ఇకపై చూడలేను. కిడ్నాప్‌కు గురైన తన కూతురు మల్లి కోసం జీవితాంతం ఎదురుచూసే తల్లి మాత్రమే నాకు కనిపిస్తోంది. నా చూపు త్వరలో మెరుగుపడుతుందని ఆశిస్తున్నాను.

స్వాతంత్య్రం కోసం వందల మందికి ఆయుధాలతో శిక్షణ ఇచ్చిన దేశభక్తుడిగా కూడా నేను అజయ్‌ (అజయ్ దేవగణ్) ని చూడగలను. OMG కానీ నేను మరెవరినీ ఎందుకు చూడలేను..? హే ఎన్టీఆర్, హే చరణ్, హే అలియా దయచేసి నా అంధత్వానికి నన్ను క్షమించండి. ప్రస్తుతం నా డాక్టర్ నా కాల్స్ తీసుకోవడం లేదు..' అంటూ రసూల్ పూకుట్టి చేసిన కామెంట్స్ ఉద్దేశిస్తూ.. కీరవాణి ట్వీట్స్ చేశారు. రిసెంట్‌గా ఈ ట్వీట్స్‌ను కూడా ఆయన డిలీట్ చేశారు. ఆయన ఎందుకు డిలీట్ చేశారో ఎవరికీ అర్థంకావడం లేదు.


దేశవిదేశాల నుంచి RRR మూవీపై ఓ రేంజ్‌లో ప్రశంసలు వస్తుంటే.. రసూల్ పూకుట్టి చేసిన కామెంట్స్‌పై నెటిజన్లు తీవ్ర ఆగ్రహం వ్యక్తం చేస్తున్నారు. RRR సినిమా స్థాయిని తగ్గించేందుకు కొంతమంది ఇలాంటి చెత్త కామెంట్లు చేస్తున్నారని అంటున్నారు. మొత్తానికి రసూల్ పూకుట్టి చేసిన కామెంట్‌తో RRR సినిమా సోషల్ మీడియాలో చర్చగా మారింది.