Mythri movie makers: కోట్లు ఖ‌ర్చుతో డీల్ మ‌ల్టీప్లెక్స్ బిజినెస్‌లోకి మైత్రీ సంస్థ‌

Mythri movie makers: ప్ర‌స్తుతం టాలీవుడ్‌లో భారీ చిత్రాల నిర్మాణ సంస్థ‌గా పేరు తెచ్చుకుంది మైత్రీ మూవీ మేక‌ర్స్‌ (Mythri movie makers). గ‌త ఏడాది వ‌ర‌కు వారు సినిమా నిర్మాణ రంగంలోనే ఉంటూ వ‌చ్చారు. అయితే గ‌త ఏడాది చివ‌ర‌లో మాత్రం సినిమాల నిర్మాణంతో పాటు డిస్ట్రిబ్యూష‌న్ రంగంలోనూ అడుగు పెట్టారు. ఈ ఏడాది సంక్రాంతికి విడుద‌లైన రెండు భారీ చిత్రాలు వాల్తేరు వీర‌య్య‌ (Waltair Veerayya), వీర సింహా రెడ్డిల‌తో (Veera Simha Reddy) నైజాం డిస్ట్రిబ్యూట‌ర్స్‌గా మారిన మైత్రీ సంస్థ ఆ రెండు సినిమాల స‌క్సెస్‌తో తొలి స‌క్సెస్‌ను సొంతం చేసుకున్నారు.

ఇప్పుడు మైత్రీ సంస్థ మ‌రో కొత్త వ్యాపారంలోకి అడుగు పెడుతున్న‌ట్లు సినీ స‌ర్కిల్స్‌లో వార్త‌లు వినిపిస్తున్నాయి. ఇంత‌కీ మైత్రీ వారు ఎంట్రీ ఇస్తోన్న బిజినెస్ ఏంటో తెలుసా! థియేట‌ర్స్‌. వివ‌రాల్లోకి వెళితే.. అంటే ఎగ్జిబిష‌న్ రంగంలోకన్న‌మాట‌. ఓసారి ఎగ్జిబిట‌ర్స్‌గారూ మైత్రీ మూవీ మేక‌ర్స్ ప్రయాణం ప్రారంభిస్తే.. కచ్చితంగా త‌న మార్క్ చూపించుకునే ప్ర‌య‌త్నం చేస్తుంద‌న‌టంలో సందేహం లేదు. అందులో భాగంగా గుంటూరులో ఫినిక్స్ నిర్మించిన ఐదంత‌స్తుల మ‌ల్టీప్లెక్స్‌ను మైత్రీ సంస్థ కొనుగోలు చేయ‌టానికి చ‌ర్చ‌లు జ‌రుపుతుంద‌ట‌. రూ.30-35 కోట్ల‌తో ఈ డీల్ పూర్త‌య్యే అవ‌కాశం ఉంద‌ని టాక్‌.

ఈ సంక్రాంతికి మైత్రీ మూవీ మేక‌ర్స్ నిర్మించిన రెండు భారీ చిత్రాలు మెగాస్టార్ చిరంజీవి (Megastar Chiranjeevi) హీరోగా న‌టించిన వాల్తేరు వీర‌య్య..నందమూరి బాల‌కృష్ణ (Nandamuri Balakrishna) హీరోగా రూపొందిన వీర‌సింహా రెడ్డి చిత్రాలు ఒకేసారి విడుద‌ల‌య్యాయి. ఇద్ద‌రు స్టార్ హీరోల సినిమాలను ఒకే నిర్మాత‌లు రూపొందించి ఒకేసారి విడుద‌ల చేయ‌టం అనేది తెలుగు సినిమా చ‌రిత్ర‌లో ఇదే ప్ర‌థ‌మం. ఈ రెండు సినిమాలు బాక్సాఫీస్ పోరులో ఘ‌న విజ‌యాల‌ను సొంతం చేసుకున్నాయి.

ALSO READ:
Jamuna: జ‌మున బ‌యోపిక్‌.. రంగంలోకి దిగుతున్న స్టార్ హీరోయిన్!
ALSO READ: Pawan Kalyan - Allu Arha: ప‌వ‌న్ క‌ళ్యాణ్ సినిమాలో అల్లు అర్జున్ కుమార్తె అర్హ‌!
ALSO READ: Samantha: రూ. 3 కోట్ల న‌గ‌లు.. 30 కిలోల చీర‌తో స‌మంత షూటింగ్

ALSO READ: Mrunal Thakur: సూర్య ప్రెస్టీజియస్ చిత్రంలో మృణాల్ ఠాకూర్‌..

• Read LatestTollywood Updates and Telugu news