సెకండ్ సాంగ్: హో.. ‘సూర్య’ ఏంటా రొమాన్స్?

స్టైలిష్ స్టార్ అల్లు అర్జున్, అనుఇమ్మానుయేల్ హీరో హీరోయిన్లుగా తెరకెక్కుతున్న ‘నా పేరు సూర్య’ మూవీ నుండి సెకండ్ సాంగ్ నుండి విడుదల చేసింది చిత్ర యూనిట్. ప్రేమికుల దినోత్సవం సందర్భంగా ఫిబ్రవరి 14న ‘అట్ట సూడకే.. కొట్టినట్టుగా అట్ట సూడకే.. ఐ ఆయామ్ లవర్ ఆల్ సో.. ఫైటర్ ఆల్ సో..’ అంటూ సాగిన ఆడియో సాంగ్‌ని రిలీజ్ చేశారు మేకర్స్. ఈ సాంగ్ పోస్టర్స్‌లో అల్లు అర్జున్- అనూ ఫుల్ రొమాన్స్‌లో లవ్‌ని తెగ ఎంజాయ్ చేస్తుండటం సినీ లవర్స్‌ని విపరీతంగా ఆకట్టుకుంటోంది. విశాల్ –శేఖ‌ర్‌ ద్వయం సంగీతం స‌మ‌కూర్చిన ఈ సాంగ్‌కు రామ జోగయ్య శాస్త్రి లిరిక్స్ అందించగా ఈ గీతాన్ని శేఖర్ ఆలపించడం విశేషం.

కాగా ఈ మూవీతో టాలీవుడ్‌కి దర్శకుడిగా పరిచయం అవుతున్నారు ప్రముఖ రచయిత వక్కంతం వంశీ. ప్రస్తుతం ఈ మూవీ షూటింగ్ చివరి దశకు చేరుకుంది. మార్చి రెండో తేది నాటికి ఈ చిత్ర షూటింగ్ పూర్తి అవుతుంద‌ని చిత్ర యూనిట్ ప్ర‌క‌టించింది. అలాగే ఇంత‌కు ముందు ప్ర‌క‌టించిన‌ట్లుగా ఏప్రిల్ 27న కాకుండా ఒక రోజు ముందు అంటే ఏప్రిల్ 26న ‘నా పేరు సూర్య’ మూవీని విడుదల చేస్తున్నట్లు ప్రకటించారు మేకర్స్. కాగా అదే రోజు మహేష్ బాబు-కొరటాల ‘భరత్ అనే నేను’ కూడా బాక్సాఫీస్ బరిలో నిలుస్తుండంటంలో వార్ తప్పనిసరిగా మారింది.