Samantha Naga Chaitanya Divorce: నాగచైతన్య, సమంత విడాకులు.. అధికారిక ప్రకటన చేసిన చైతన్య, సమంత

Chaysam Divorce: అక్కినేని నాగచైతన్యతో తాను విడిపోతున్నట్లు హీరోయిన్ సమంత అక్కినేని అధికారికంగా ప్రకటించారు. గత కొన్ని రోజుల నుంచి వీరిద్ద‌రూ విడిపోతున్న‌ట్లు వార్త‌లు వినిపిస్తున్న సంగ‌తి తెలిసిందే. దానికి త‌గ్గ‌ట్లు ఇద్ద‌రూ ఎక్క‌డా క‌లిసి క‌నిపించ‌లేదు. అలాగే మీడియా వారు అడిగిన ప్ర‌శ్న‌ల‌కు స‌మాధానాలు దాట‌వేస్తూ వ‌చ్చారు. అయితే శ‌నివారం తాను నాగ‌చైత‌న్య‌తో విడిపోతున్న‌ట్లు నాగచైతన్య అధికారికంగా ప్ర‌క‌టనను వెలువ‌రిచారు. అలాగే స‌మంత కూడా ఈ విష‌యాన్ని ధృవీక‌రించారు.

‘‘నా శ్రేయోభిలాషులందరికీ నేను ఓ విషయం చెప్పాలనుకుంటున్నాను. నేను, సమంత భార్యాభర్తలుగా విడిపోతున్నాం. మా దారులు వేరయ్యాయి. మా ఇద్దరి మధ్య పదేళ్ల పాటు స్నేహబంధం కొనసాగింది. మా బంధంలో అదెంతో ముఖ్యంగా భావిస్తున్నాను. ఈ క‌ష్ట‌కాలంలో మీడియా,స్నేహితులు, శ్రేయోభిలాషులు మాకు అండ‌గా నిల‌వాల‌ని కోరుకుంటున్నాం. మేం ముందుకు వెళ్ల‌డానికి మాకు ప్రైవ‌సీని క‌ల్పించాల‌ని కోరుతున్నాను’’ అన్నారు.

స‌మంత కూడా ఈ విషయంపై స్పందిస్తూ ..చాలా ఆలోచించని తర్వాత నేను, చైతన్య విడిపోవాలని నిర్ణయించుకున్నామని ప్రకటించారు. దీంతో చాలా కాలంగా నాగచైతన్, సమంత విడిపోతారని వినిపిస్తోన్న వార్తలకు క్లారిటీ వచ్చినట్లయ్యింది.