ఆ హీరోయిన్ కోసం రూ.50లక్షలు వదులుకున్న చైతూ?

నాగ చైతన్య తాజా చిత్రం ప్రేమమ్. ప్రస్తుతం షూటింగ్ జరుపుకుంటోంది. ఇందులో శ్రుతి హాసన్, అనుపమా పరమేశ్వరన్ హీరోయిన్లు. కాగా మొదట ఈ సినిమాలోకి శ్రుతిహాసన్‌ను తీసుకోవాలని అనుకోలేదు. అయితే నాగ చైతన్య మాత్రం శ్రుతినే హీరోయిన్ గా కావాలని పట్టుపట్టాడట. ఆమె సినిమాలో ఉంటే హిట్ కొట్టొచ్చని నమ్మకమట. ఈ విషయం ఆలస్యంగా వెలుగులోకి వచ్చింది. శ్రుతిని సినిమాలో పెట్టుకుంటే ఆమె అడిగే భారీ పారితోషికం ఇవ్వలేమని, చిత్రం బడ్జెట్ అమాంతం పెరిగిపోతుందని చెప్పారట నిర్మాతలు. అయినా చైతూ ఒప్పుకోకుండా... తన రెమ్యునరేషన్లోంచి రూ.50లక్షలు తగ్గించుకున్నాడట. ఆ డబ్బుని శ్రుతి పారితోషికానికి ఉపయోగించుకోమని కూడా చెప్పాడుట. అలా శ్రుతి హాసన్ ప్రేమమ్ లో హీరోయిన్ గా ఎంపికైంది. ఆగస్టు 12న సినిమాను విడుదల చేయడానికి సిద్ధమవుతోంది చిత్రయూనిట్.