'ప్రేమమ్' రిలీజ్ డేట్, స్టిల్స్ విడుదల

మళయాలంలో సూపర్ హిట్ అయిన అందమైన ప్రేమకథా చిత్రం 'ప్రేమమ్' తెలుగులో కూడా అదే టైటిల్ తో రీమేక్ అవుతోందన్న విషయం తెలిసిందే. అక్కినేని నాగచైతన్య హీరోగా నటిస్తున్న ఈ చిత్రంలో ముగ్గురు హీరోయిన్లు నటిస్తున్నారు. మళయాలం 'ప్రేమమ్'లో నటించిన అనుపమ పరమేశ్వరన్, మడొనా సెబాస్టియన్ తెలుగులో కూడా రిపీట్ అవుతున్నారు. కాగా, ఈ సినిమాలో మలర్ పాత్రలో శృతి హాసన్ నటిస్తోంది.
యువ నిర్మాత సూర్యదేవర నాగవంశీ ‘సితార ఎంటర్ టైన్మెంట్స్’ పతాకంపై పి.డి.వి ప్రసాద్ సమర్పణలో ఈ సినిమాకు చందు మొండేటి దర్శకత్వం వహిస్తున్నారు.


'ప్రేమమ్' విడుదలకు ముస్తాబవుతున్న సందర్భంగా నిర్మాత సూర్యదేవర నాగవంశీ ఈ సినిమా గురించి వివరాలను వెల్లడించారు. చిత్రంలోని తొలి పాటను ఈనెల 18న ఎఫ్ఎమ్ లలో విడుదల చేస్తున్నామని, అలాగే ఆగష్టు 24వ తేదీన ఆడియో విడుదల చేస్తున్నట్లు తెలిపారు. సెప్టెంబర్ 9న 'ప్రేమమ్' ప్రేక్షకుల ముందుకు తీసుకొచ్చేందుకు సన్నాహాలు చేస్తున్నట్లు పేర్కొన్నారు.