'యుద్ధం శరణం' రిలీజ్ డేట్ ఖరారు

నాగచైతన్య అప్‌కమింగ్ మూవీ యుద్ధం శరణం సినిమా విడుదల తేదీ ఖరారైంది. వాస్తవానికి మొదట అనుకున్న షెడ్యూల్ ప్రకారం ఈ సినిమా ఆఘస్టు 11వ తేదీనే విడుదల కావాల్సి వున్నప్పటికీ అదే రోజు టాలీవుడ్ లో మరో మూడు పెద్ద సినిమాలు విడుదలవుతుండటంతో యుద్ధం శరణం విడుదల వాయిదా పడింది. చైతూ కెరీర్ లో 14వ సినిమాగా వస్తున్న ఈ సినిమాను సెప్టెంబర్ 8వ తేదీన విడుదల చేయాలని నిర్ణయంచుకున్నట్టు తెలిసింది.

చైతూ, లావణ్యా త్రిపాఠి జంటగా నటించిన ఈ రొమాంటిక్ యాక్షన్ థ్రిల్లర్ సినిమాతో కృష్ణ మరిముత్తు దర్శకుడిగా పరిచయం అవుతున్నాడు. శ్రీకాంత్ విలన్ గా నటిస్తున్న యుద్ధం శరణం సినిమాలో రావు గోపాల రావు, రేవతి ఇతర ముఖ్య పాత్రల్లో నటిస్తున్నారు. పెళ్లి చూపులు సినిమాకు మ్యూజిక్ అందించిన వివేక్ సాగర్ ఈ సినిమాకు ట్యూన్స్ కంపోజ్ చేశారు.