నాన్నకు ప్రేమతో... నాగచైతన్య

సమంత-నాగచైతన్యల ప్రేమవ్యవహారం నాగ్ కు నచ్చడం లేదని ఫిల్మ్ నగర్లో టాక్. వారిద్దరి లవ్ ఎలా బ్రేకప్ చేయాలా నాగ్ ఆలోచిస్తుంటే... తమ బంధాన్ని పెళ్లి దాకా తీసుకెళ్లాలని లవ్ బర్డ్స్ ఇద్దరూ పంతం మీద ఉన్నారట. ఈ నేపథ్యంలో తండ్రీ కొడుకుల మధ్య కోల్డ్ వార్ జరుగుతుందనేది టాపిక్. అదే వారి మధ్య దూరాన్ని సైతం పెంచిందని అంటున్నారు. అయితే తమ మధ్య ఎలాంటి దూరం లేదని నిరూపించేందుకు నాగ చైతన్య... తండ్రికి ఓ కానుకను సిద్ధం చేస్తున్నాడట. జూన్ 11న నాగ్-అమల పెళ్లి రోజు. ఆ రోజున తన తాజా చిత్రం ‘ప్రేమమ్’ టీజర్ ను విడుదల చేయాలని చైతూ ప్రయత్నిస్తున్నాడు. అలా చేస్తే తండ్రికి తనకు గ్యాప్ ఏర్పడలేదని అందరని నమ్మించవచ్చనన్నది చైతూ ప్లాన్. కాగా ప్రేమమ్ సినిమాని ఆగస్టు 12న ఎలాగైనా విడుదల చేయాలని చూస్తోంది చిత్ర యూనిట్. శ్రుతి హాసన్, అనుపమా పరమేశ్వరన్, మడోన్నా అందులో హీరోయిన్లుగా చేస్తున్నారు.