నిహారికకి సడెన్ సర్‌ప్రైజ్ ఇచ్చిన నాగబాబు

నిహారిక టీవీ డెబ్యు నుంచి ఇటీవల సినీరంగ ప్రవేశం వరకు కూతురిని ఎంతో ప్రోత్సహిస్తూ వస్తున్న నాగబాబు తాజాగా ఆమెకి సడెన్ సర్‌ప్రైజ్ ఇచ్చారు. ఈ నెల 24వ తేదీన రిలీజ్ కానున్న తన మొదటి సినిమా 'ఒక మనసు' కోసం నిహారిక ఎంతో ఎగ్జైటింగ్‌గా ఎదురుచూస్తుండగా.. అంతకన్నా మరో 10 రోజుల ముందే ఆమెని ఆనందంలో ముంచెత్తారు నాగబాబు. ఇప్పటివరకు టీవీ హోస్ట్‌గా వున్న కూతురు ఇప్పుడు హీరోయిన్‌గా ప్రమోట్ అవుతుందనుకున్నారో ఏమో తెలీదుకానీ ఇవాళే నిహారికకి ఓ కొత్త ఆడీ కారుని గిఫ్ట్‌గా కొనిచ్చారట ఆయన.

#Niharika pic.twitter.com/KD6efXqTzW — Konidela Niharika (@ursniharika) June 14, 2016

షోరూమ్‌లో కారు తీసుకుంటున్న ఆనందాన్ని, తండ్రితో కలిసి తీసుకున్న ఫోటోని ట్విటర్‌లో షేర్ చేసుకుంది నిహారిక. ఎంతోమంది హీరోయిన్లకి ఎన్నో సినిమాలు తీస్తే కానీ అందని ఆడి కారుని కూతురిపై ప్రేమతో ఆమె మొదటి సినిమాకన్నా ముందే కొనిచ్చారు నాగబాబు.