‘శైలజా రెడ్డి అల్లుడు’గా నాగచైతన్య!

మారుతి దర్శకత్వంలో నాగచైతన్య హీరోగా రూపొందే సినిమా విషయంలో ఆసక్తిదాయకమైన టైటిల్ వినిపిస్తోంది. ఈ సినిమాకు ‘శైలజారెడ్డి అల్లుడు’ అనే టైటిల్ ను ఖరారు చేసినట్టు సమాచారం. ఇది వరకూ ‘రెడ్డి’ ట్యాగ్ తో చాలా సినిమాలే వచ్చాయి. అయితే ఈ తరహా టైటిల్ మాత్రం ఇదే తొలి సారి. అలాగే ‘అల్లుడు’ ట్యాగ్ తో కూడా బోలెడన్ని సినిమాలు వచ్చాయి. అత్తా, అల్లుడి కాంబో టైటిల్ తెలుగులో సూపర్ హిట్ ఫార్ములానే.

శైలజారెడ్డి అల్లుడుగా నాగచైతన్య కనిపిస్తున్నాడు సరే.. ఇంతకీ శైలజా రెడ్డి ఎవరు? అంటే రమ్యకృష్ణ‌! ఈ సినిమాలో చైతూకు అత్తగా కనిపించబోతోంది రమ్య. ఇది వరకూ నాగార్జునతో చాలా సినిమాల్లో ఆమె జత కట్టింది. ఇటీవల సోగ్గాడే చిన్నినాయనలో కూడా నాగ్ సరసన నటించింది. ఇప్పుడు చైతూకు అత్తగా కనిపించబోతోంది.

మొత్తానికి ఆసక్తికరమైన టైటిల్ తోనే రాబోతున్నారు. ఫ్యామిలీ ఎంటర్ టైనర్ అనే సంకేతాలను కూడా ఇచ్చేశారు. శైలజారెడ్డి అల్లుడు ఎలాంటి హిట్ కొట్టబోతున్నాడో చూడాలి!