నాగ్ కు 'ప్రేమమ్'తో వీడియో సాంగ్

టాలీవుడ్ కింగ్ అక్కినేని నాగార్జున ఈరోజు (ఆగష్ట్ 29) తన 56వ జన్మదిన వేడుకను జరుపుకుంటున్నారు. ఎంత వయసు పెరిగినా ఇప్పటికీ నవ మన్మధుడు. యంగ్ హీరోలకు పోటీనిచ్చే ఏకైక స్టార్ హీరో నాగార్జున. ఈరోజు నాగార్జున పుట్టినరోజు సందర్భంగా నాగ్ తనయుడు చైతూ నటించిన 'ప్రేమమ్' సినిమాలోని ఎవరే ప్రేమను మాయంది.. అంటూ సాగే రొమాంటిక్ సాంగ్ వీడియో టీజర్ ను విడుదల చేశారు. ఈ పాటను ఎంతో అందంగా, చాలా రిచ్ గా చిత్రీకరించారు. మళయాలంలో సూపర్ హిట్ అయిన అందమైన ప్రేమకథా చిత్రం 'ప్రేమమ్' తెలుగులో కూడా అదే టైటిల్ తో రీమేక్ అవుతోన్న విషయం తెలిసిందే. ఈ సినిమాలో అక్కినేని నాగచైతన్య సరసన శృతి హాసన్, అనుపమ పరమేశ్వరన్, మడొనా సెబాస్టియన్ నటిస్తున్నారు. చందు మొండేటి దర్శకత్వం వహించిన 'ప్రేమమ్' సెప్టెంబర్ 9న ప్రేక్షకుల ముందుకు రాబోతుంది.