నాగార్జున మళ్లీ అడిగినా.. సమంతా ఫిక్స్

నాగార్జున కుటుంబంతో చక్కగా కలిసిపోయిన కొత్త కోడలు సమంత.. ఇటీవల వారికి ఊహించని షాకిచ్చిందట. అన్నపూర్ణ స్టూడియోస్ స్థాపించి 42 ఏళ్లు పూర్తయిన సందర్భంగా.. వర్కర్స్‌కి భోజనాల్ని వడ్డించిన అక్కినేని ఫ్యామిలీ అనంతరం సరదాగా అక్కడే కలిసి భోజనం చేస్తున్న సమయంలో సమంత నోటివెంట వచ్చిన ఒక మాట అందర్నీ ఆశ్చర్యానికి గురిచేసిందట.

అందరూ జోక్స్ వేసుకుంటూ భోజనం చేస్తుండగా.. ‘మై హస్బెండ్ ఈజ్ ది బెస్ట్’ అని సమంత అందరి ముందు గట్టిగా చెప్పిందట. దీంతో పక్కనే ఉన్న నాగార్జున అంటే.. మేమందరం మా భార్యలకి మంచి భర్తలం కాదా..? అని చిరుకోపం ప్రదర్శించగా.. దానికీ సమంత మరింత సరదాగా ‘లేదు.. లేదు.. మై హస్బెండ్ ఈజ్ ది బెస్ట్’అని మళ్లీ చెప్పిందట. ఈ విషయాన్ని ఓ మీడియాకిచ్చిన ఇంటర్వ్యూలో నాగార్జున వెల్లడించారు. అన్నపూర్ణ స్టూడియోస్ బ్యానర్‌లో రాజ్ తరుణ్, చిత్రా శుక్లా జంటగా ‘రంగుట రాట్నం’ అనే చిత్రాన్ని నాగార్జున నిర్మించారు. గత ఏడాది నాగచైతన్య, సమంత పెళ్లి చేసుకున్న విషయం తెలిసిందే.