షా‘కింగ్’ లుక్‌తో నాగార్జున!

టాలీవుడ్ మన్మధుడు నాగార్జున తన ఇద్దరు కొడుకులు పెళ్లీడుకొచ్చినా ఇప్పటికీ తన గ్లామర్‌తో స్క్రీన్‌ను షేక్ చేస్తోనే ఉన్నాడు . ఈ సోగ్గాడికి మహిళా ప్రేక్షకుల్లో ఉన్న క్రేజే వేరు. సినిమా సినిమాకి డిఫరెంట్ హెయిర్ స్టయిల్స్‌తో ఆకట్టుకునే నాగ్ గుండుతో కనిపించి ప్రేక్షకులకు షాక్ ఇవ్వబోతున్నాడు. వైవిధ్యమైన కథలతో ప్రేక్షకులను అలరిస్తూ పాత్ర కోసం ఎంత రిస్క్ అయినా తీసుకునే నాగార్చున రిఫరెంట్ రోల్స్‌తో ఆకట్టుకుంటున్నాడు.

అయితే ఇప్పటివరకు తన లుక్ విషయంలో మాత్రం ఆయన పెద్దగా మార్పులు చేయడానికి ఇష్టపడలేదు. కానీ తొలిసారి ఆయన ఓ సినిమా కోసం గుండు కొట్టించుకోబోతున్నారట. అసలు విషయానికి వస్తే.. నాగార్జున ప్రధాన పాత్రలో ఓంకార్ దర్శకత్వంలో 'రాజుగారి గది2' సినిమా రూపొందుతోంది. ఆదివారం ఈ సినిమా పూజా కార్యక్రమాలు జరుపుకుంది. ఈ సినిమాలో నాగ్ కోసం ఓంకార్ ఓ గెటప్ స్కెచ్ వేసి ఉంచినట్లు తెలుస్తోంది. దాని ప్రకారం ఫ్రెంచ్ కట్ లాంటి గడ్డం, గుండుతో ఓ వ్యక్తి ఉంటారు. ఇప్పుడు అదే లుక్ లో నాగ్ కనిపించబోతున్నాడనేది ఫిల్మ్ నగర్ వర్గాల సమాచారం.

ఓ పాత్ర కోసం ఇలాంటి ధైర్యం చేయడం ఒక్క నాగార్జునకే చెల్లింది. మరి ఈ లుక్ లో నాగార్జునను చూసే అభిమానుల రియాక్షన్ ఎలా ఉంటుందో చూడాలి.