‘విలన్’గా నచ్చావులే, అనిపించుకుంటాడా?

విలన్లు హీరోలుగా మారడం రొటీన్. హీరోలు... విలన్ వేషాలు వేయడం వెరైటీ. తమిళంలో హీరోలుగా నిలదొక్కుకున్న ఆది, ఆర్య తదితర నటులు విలన్లుగా మెప్పించారు. అలాగే, తెలుగులో ఒకప్పుడు హీరోలుగా అలరించిన జగపతిబాబు, జేడీ చక్రవర్తి నెగటివ్ క్యారెక్టర్లకు ప్రాణం పోస్తున్నారు. బాలనటుడిగా మంచి గుర్తింపు పొంది... నచ్చావులే, రైడ్ వంటి హిట్లు అందుకున్న తనీష్, హీరోగా నిలదొక్కుకోవడంలో తడబడుతున్న సమయంలో అరుదైన అవకాశం అతన్ని వరించింది. అయితే, హీరోగా కాదు. విలన్‌గా.

కృష్ణ వంశీ తెరకెక్కిస్తున్న మల్టీ స్టారర్ చిత్రం... ‘నక్షత్రం’లో తనీష్ విలన్‌గా కనిపించనున్నాడు. ఈ సందర్భంగా అతని ఫస్ట్ లుక్‌ను వంశీ సోషల్ మీడియాలో విడుదల చేశారు. భయానకంగా కనిపిస్తున్న తనీష్ లుక్స్... తప్పకుండా గుర్తిండి పోతుందని చిత్ర యూనిట్ చెబుతోంది. సందీప్ కిషన్, సాయి ధరమ్ తేజ్, జేడీ చక్రవర్తి, రెజీనా, ప్రగ్యా జైశ్వాల్‌, జేడీ చక్రవర్తి, ప్రకాష్ రాజ్‌లు ఈ చిత్రంలో ప్రధాన తారాగణం. ఫిబ్రవరి 17న ఈ సినిమా విడుదలయ్యే అవకాశం ఉంది.

కృష్ణ వంశీ విడుదల చేసిన తనీష్ ఫస్ట్ లుక్ వీడియో...