ఆయనతో పెళ్లా.. మరీ ఇంత సిల్లీగా: నమిత

ఈరోజుల్లో రూమర్లు సర్వసాధారణమైపోయాయి. ఇంచుమించుగా సినీ పరిశ్రమల్లో ఉన్న ప్రతి సెలబ్రిటీపై రూమర్లు చక్కర్లు కొడుతున్నాయి. ఆవిడ ఈయనతో లవ్‌లో ఉందని, ఆ హీరో ఈ హీరోయిన్‌తో చెట్టాపట్టాలేసుకుని తిరుగుతున్నారని.. ఇలా అనేక గాలి వార్తలు వస్తున్నాయి. సోషల్ మీడియా వచ్చాక ఇవి మరింత ఎక్కువైపోయాయి. ఇప్పుడు ఈ గాలి వార్తలే నమితకు చిరాకు తెప్పించాయి. అలనాటి నటుడు శరత్ బాబు, భారీ అందాల సుందరి నమిత పెళ్లిచేసుకోబోతున్నారంటూ కొన్ని రోజులుగా సోషల్ మీడియాలో రూమర్ వైరల్ అవుతోంది. 60 ఏళ్ల వయసున్న శరత్ బాబును నమిత పెళ్లిచేసుకోవడమేంటని అందరూ ముక్కున వేలుసుకుంటున్నారు.

అయితే ఇప్పుడు నమిత కూడా అదే ప్రశ్న సందిస్తోంది. సోషల్ మీడియాలో హాట్ టాపిక్‌గా మారిన తన పెళ్లిపై నమిత స్పందించింది. ఆయన వయసేంటి? నా వయసేంటి? ఇలా ఎలా ఆలోచిస్తున్నారు? అసలు ఇంత సిల్లీగా రూమర్లు ఎలా పుట్టిస్తారంటూ నమిత మండిపడింది. అంతకుముందే శరత్ బాబు కూడా ఈ పుకార్లను ఖండించారు. అనవసర విషయాల్లోకి నన్ను లాగి తన పరువును మంటగలుపుతున్నారని ఆవేదన వ్యక్తం చేశారు. 60 ఏళ్లు దాటిన తనకు మళ్లీ పెళ్లిచేసుకునే ఆలోచన అస్సలు లేదని స్పష్టం చేశారు. ఒకవేళ అలాంటిదేమైనా ఉంటే ముందుగా మీడియాకే చెబుతాను అని తెలిపారు.

ఆ మధ్య ‘సింహా’ సినిమాలో బాలకృష్ణ ఆడిపాడిన నమిత.. అందాలను భారీగానే ఆరబోసింది. అయినప్పటికీ మళ్లీ తెలుగులో అవకాశాలు రాలేదు. తమిళంలో కూడా అంతంత మాత్రంగానే ఉన్నాయి. దీంతో తమిళంలో ప్రారంభమైన ‘బిగ్‌బాస్ షో’లోనూ తన అదృష్టాన్ని పరీక్షించుకుంది. అక్కడ కూడా ఆమెకు నిరాశే ఎదురైంది. అయితే ప్రస్తుతం వచ్చిన పెళ్లి రూమర్‌తో ఒక్కసారిగా నమిత పేరు మారుమోగింది. కేవలం తమిళ పరిశ్రమలోనే కాకుండా సౌత్ ఇండస్ట్రీని మొత్తం ఒక్కసారి తనవైపు ఆకర్షించేలా చేసింది.