నా కూతురు లిమిట్స్ క్రాస్ చేయదు! సితారపై నమ్రత కామెంట్స్ వైరల్

మహేష్ బాబు గారాలపట్టి సితార పాపులారిటీ గురించి మనందరికీ తెలుసు. సెలబ్రిటీ కిడ్ అయినప్పటికీ సినిమాల్లోకి ఎంట్రీ ఇవ్వకుండానే చిన్నతనంలోనే తనకంటూ ప్రత్యేక గుర్తింపు తెచ్చుకుంది. సోషల్ మీడియా వేదికగా తనలోని టాలెంట్ బయటపెడుతూ తండ్రికి తగ్గ తనయ అనిపించుకుంటోంది. నిత్యం ఆన్ లైన్ మాద్యమాలపై యాక్టివ్‌గా ఉండే ఈ చిన్నారికి హీరోయిన్లను మించిన ఫాలోయింగ్ ఉంది. తొమ్మిదేళ్ల వయసులోనే తన ప్రతిభతో సొంతంగా యూట్యూబ్ ఛానల్ కూడా నడుపుతోంది. అయితే తాజాగా ఓ ఇంటర్వ్యూలో మాట్లాడిన సితార తల్లి నమ్రత కొన్ని ఆసక్తికర విషయాలు చెబుతూ ఓపెన్ అయ్యారు.

రీసెంట్‌గా మహేష్ బాబు లేటెస్ట్ సినిమా 'సర్కారు వారి పాట' నుంచి విడుదలైన పెన్నీ సాంగ్‌లో స్టెప్పులేసి అట్రాక్ట్ చేసింది సితార. ఈ సాంగ్ భారీ ఆధరణ తెచ్చుకోవడం, ఇందులో సితార స్పెషల్ అట్రాక్షన్ కావడంతో ఆమె కెరీర్‌కి సంబంధించి ఎన్నో చర్చలు నడిచాయి. మరోవైపు సితార ట్రెండీ ఫోటో షూట్స్ వైరల్‌గా మారుతుండటంతో డిస్కషన్స్ మరీ ఎక్కువయ్యాయి. ఈ క్రమంలో సితార వ్యక్తిత్వం, ఆమెకు తల్లిదండ్రుల సూచనలు తదితర అంశాలపై నమ్రత ఓపెన్‌గా మాట్లాడారు.
ప్రియుడితో కియారా బ్రేకప్.. పెళ్లి ఫిక్స్ అనుకుంటున్న తరుణంలో అనూహ్యంగా!
సితార విషయంలో తనకు మహేష్‌కు ఎలాంటి భయం లేదని చెప్పిన నమత్ర.. తన కూతురు ఇష్టపడే పనిలోనే ప్రోత్సహిస్తూ ఆమెను ఆనంద పెడుతున్నామని చెప్పారు. సితార వయసు ఇప్పుడు తొమ్మిదేళ్లే కాబట్టి తనకు ఏది మంచి? ఏది చెడు? ఎక్కడ ఎలా ప్రవర్తించాలి? అనే విషయాలపై తాను, మహేష్ తగు సూచనలు ఇస్తూ ఉంటామని అన్నారు. తను కూడా ఎక్కడా లిమిట్స్ క్రాస్ చేసి వ్యవహరించదని తెలిపారు. ఇంత చిన్న వయసులోనే సితారకు దక్కిన ఈ గుర్తింపు తల్లిదండ్రులుగా తమకు ఎంతో సంతోషాన్నిస్తోందని చెప్పారు నమ్రత శిరోద్కర్.

మహేష్- నమ్రత దంపతులకు ఇద్దరు సంతానం. కుమారుడు గౌతమ్ ఇప్పటికే మహేష్ హీరోగా వచ్చిన 'నేనొక్కడినే' సినిమాలో నటించి ఫ్యాన్స్‌ని ఫిదా చేశారు. దీంతో సితార సినీ ఎంట్రీ కోసం టాలీవుడ్ లోకం ఆసక్తిగా ఎదురుచూస్తోంది.