‘పంచెకట్టు’ పండగలో నందమూరి ఫ్యామిలీ

నందమూరి కుటుంబం కాకినాడలో పంచెకట్టు పండగ చేసుకుంది. తూర్పుగోదావరి జిల్లా కరప మండలం వేళంగిలో ఈ పండుగ జరిగింది. ఈ పండుగకు నందమూరి హరికృష్ణ, ఆయన తనయులు కళ్యాణ్ రామ్, జూ.ఎన్టీఆర్ ఇతర కుటుంబ సభ్యులు తరలివచ్చారు.

హరికృష్ణ తనయుడు దివంగత జానకీరామ్ కుమారులు తారకరామారావు (13), సౌమిత్రి ప్రభాకర్ రావు (11)లకు పంచెకట్టు ఫంక్షన్ నిర్వహించేందుకు నందమూరి ఫ్యామిలీ ఇక్కడికి తరలివచ్చింది. వేళంగి...జానకీరామ్ అత్తగారు ఊరు. ఈ ఫంక్షన్ కోసం జానకీరామ్ తనయులు తారకరామారావు, ప్రభాకర్ రావులు ఇక్కడే ఉన్నారు.

ఈ పండగలో పాల్గొనేందుకు వచ్చిన తాతయ్య హరికృష్ణ, బాబయ్‌లు కళ్యాణ్ రామ్, జూ.ఎన్టీఆర్‌లను చూసి పిల్లలు పరుగెత్తికెళ్లి ఆలింగనం చేసుకున్నారు. దీంతో అక్కడున్నన వారందరి కళ్లు చెమ్మగెల్లాయి. పెద్దలు చిన్నారులకు పట్టుబట్టలు అందజేసి ఆశీర్వాదించారు.