నంమూరి బాలకృష్ణ టైటిల్ పాత్రలో నటిస్తోన్న చిత్రం ‘వీర సింహా రెడ్డి’. గోపీచంద్ మలినేని దర్శకత్వంలో మైత్రీ మూవీ మేకర్స్ సినిమాను నిర్మిస్తోంది. శ్రుతీ హాసన్ హీరోయిన్. దునియా విజయ్, వరలక్ష్మి శరత్‌కుమార్ ప్రధాన పాత్రల్లో నటించారు. ఈ సినిమా సంక్రాంతికి రిలీజ్ అవుతుందని అందరికీ తెలిసిందే. అయితే మేకర్స్ శనివారం రోజున ‘వీర సింహా రెడ్డి’ రిలీజ్ డేట్‌ను అధికారికంగా ప్రకటించారు. దీనిపై నందమూరి ఫ్యాన్స్ హర్షం వ్యక్తం చేస్తున్నారు.
Authored byతుమ్మల మోహన్ | Samayam Telugu3 Dec 2022, 2:53 pm
న‌ట‌సింహ నందమూరి బాలకృష్ణ (Nandamuri Balakrishna) హీరోగా నటిస్తోన్న తాజా చిత్రం ‘వీర సింహా రెడ్డి’. (Veera Simha Reddi) గోపీచంద్ మలినేని (Gopichand Malineni) దర్శకత్వంలో ప్ర‌ముఖ నిర్మాణ సంస్థ మైత్రీ మూవీ మేకర్స్ (Mythri Movie Makers) బ్యాన‌ర్‌పై న‌వీన్ ఎర్నేని, య‌ల‌మంచిలి ర‌విశంక‌ర్ సినిమాను నిర్మిస్తున్నారు. మూవీ షూటింగ్ ఫైన‌ల్ స్టేజ్‌కు చేరుకుంది. వ‌చ్చే ఏడాది సంక్రాంతి (Sankranthi 2023) బ‌రిలోకి దిగ‌టం ఖాయం. అయితే ఏ రోజున ‘వీర సింహా రెడ్డి’ థియేట‌ర్స్‌లోకి వ‌స్తాడ‌నే దానిపై నెట్టింట చాలా వార్త‌లే వినిపిస్తున్నాయి. అయితే మేకర్స్ ఈ వార్త‌ల‌న్నింటికీ చెక్ పెడుతూ ‘వీర సింహా రెడ్డి’ రిలీజ్ డేట్‌ను అధికారికంగా అనౌన్స్ చేశారు. నిర్మాత‌లు అనౌన్స్‌మెంట్ ప్ర‌కారం ‘వీర సింహా రెడ్డి’ జ‌న‌వ‌రి 12న రిలీజ్ అవుతుంది.
Samayam Teluguవీరసింహా రెడ్డి రిలీజ్ డేట్
రానున్న సంక్రాంతి రేసులో ప్ర‌ధానంగా ముగ్గురు బ‌డా హీరోలు పోటీ ప‌డుతున్నారు. మెగాస్టార్ చిరంజీవి (Megastar Chiranjeevi) ‘వాల్తేరు వీరయ్య’ (Waltair Veerayya) చిత్రం రానుంది. మరో వైపు నందమూరి బాలకృష్ణ ‘వీర సింహా రెడ్డి’ కూడా అనౌన్స్ చేశారు. చివరగా తమిళ అగ్ర కథానాయకుడు దళపతి విజయ్ (Thalapathy Vijay) చిత్రం ‘వారసుడు’ (Vaarasudu) కూడా రిలీజ్ అవుతుంది. ఈ మూడింటిలో ముందుగా ‘వీర సింహా రెడ్డి’ జ‌న‌వ‌రి 12న రానుంది. అఫిషియ‌ల్ అనౌన్స్ కూడా వ‌చ్చేసింది. దీనిపై నందమూరి ఫ్యాన్స్ (Nandamuri fans) సంతోషాన్ని వ్యక్తం చేస్తున్నారు. అఖండ (Akhanda) వంటి బ్లాక్ బ‌స్ట‌ర్ త‌ర్వాత బాలకృష్ణ చేస్తోన్న సినిమా ఇది. దీంతో సినిమాపై భారీ అంచ‌నాలున్నాయి. దీనికి తోడు క్రాక్‌తో (Krack) సూప‌ర్ డూప‌ర్ హిట్ కొట్టిన డైరెక్ట‌ర్ గోపీచంద్ మలినేని సినిమాను డైరెక్ట్ చేయ‌టం ఈ ఎక్స్‌పెక్టేష‌న్స్‌ను మరింత‌గా పెంచాయి. అలాగే నందమూరి బాల‌కృష్ణ‌కు అచ్చొచ్చిన రాయ‌ల‌సీమ బ్యాక్‌డ్రాప్‌లో రూపొందుతోన్న చిత్ర‌మిది.
ఇక మరో వైపు మెగాస్టార్ చిరంజీవి ‘వాల్తేరు వీరయ్య’ .. ఆ మ‌రుస‌టి రోజో, లేక రెండు రోజుల త‌ర్వాత‌నో రానుంది. వారసుడు రిలీజ్ డేట్‌పై కూడా త్వ‌ర‌లోనే క్లారిటీ రానుంది. వాల్తేరు వీరయ్య, వీర సింహా రెడ్డి.. రెండు భారీ చిత్రాల‌ను మైత్రీ మూవీ మేకర్స్ సంస్థ‌నే నిర్మించింది. ఈ రెండు చిత్రాల్లోనూ శ్రుతి హాసన్ (Shruti Haasan) క‌థానాయిక. మ‌రి ఈ సంక్రాంతి రేసులో విజేత‌గా ఎవ‌రు నిలుస్తార‌నేది తెలియాలంటే కొన్నాళ్లు వెయిటింగ్ త‌ప్పుదు మ‌రి.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్ర‌ముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
