NBK 107 అప్ డేట్‌కి టైమ్ ఫిక్స్ .. సరికొత్త ఆయుధం పట్టనున్న బాలయ్య

నట సింహ నందమూరి హీరో బాలకృష్ణ పుట్టినరోజు శుక్రవారం (జూన్ 10). ఈ సందర్భంగా ఆయన లేటెస్ట్ మూవీ NBK 107 నుంచి ఏదైనా అప్‌డేట్ ఏమైనా వస్తుందేమోనని ఇటు ఫ్యాన్స్... అటు కామన్ ఆడియెన్స్ సహా అందరూ ఆసక్తిగా ఎదురు చూస్తున్న తరుణంలో మేకర్స్ నుంచి NBK 107 అప్డేట్‌కి సంబంధించిన ప్రకటన వచ్చింది. గురువారం సాయంత్రం 6 గంటల 11 నిమిషాలకు మెయిన్ అప్‌డేట్‌గా టీజర్ రిలీజ్ ఉంటుందని తెలిపారు నిర్మాతలు. దీనికి సంబంధించి NBK 107 ఫస్ట్ హంట్ పేరుతో పోస్టర్ విడుదల చేశారు. అందులో పులిచర్ల పేరుతో రాయి కనపడుతుంది. దానిపై రక్తపు మరకలు కనిపిస్తున్నాయి. ఆ రాయిని అనుకుని సింహపు ఆకారపు నగిషీగా చెక్కిన గొడ్డలి కనిపిస్తుంది. దానికి కూడా రక్తమై ఉంది. పోస్టర్ చూస్తుంటే ఈ సినిమా కోసం బాలకృష్ణ విలన్స్ భరతం పట్టడానికి మరో సరికొత్త ఆయుధం పట్టబోతున్నారని అర్థమవుతుంది.

NBK 107..నందమూరి బాలకృష్ణ (Nandamuri Balakrishna) హీరోగా గోపిచంద్ మ‌లినేని (Gopichand Malineni) ద‌ర్శ‌క‌త్వంలో రూపొందుతోన్న సంగ‌తి తెలిసిందే. క‌మ‌ర్షియ‌ల్ సినిమాల‌ను తెర‌కెక్కించ‌డంలో త‌న‌దైన ప్ర‌త్యేకత ఉన్న ద‌ర్శ‌కుడు గోపీచంద్ మ‌లినేని ... క్రాక్‌తో బ్లాక్ బ‌స్ట‌ర్ హిట్ కొట్టారు. దాని త‌ర్వాత త‌న ఇంపాక్ట్‌ను పెంచుకునేలా బాల‌య్య ఇమేజ్‌కు త‌గ్గ‌ట్టు మాస్ క‌మ‌ర్షియ‌ల్ ఎలిమెంట్స్‌తో క‌థ‌ను సిద్ధం చేశారు. ఈ చిత్రం ప్ర‌ధాన క‌థాంశం కొన్ని నిజ ఘ‌ట‌న‌ల‌ను ఆధారంగా చేసుకుని తెర‌కెక్కిస్తున్నారు. అలాగే అఖండ వంటి బ్లాక్ బస్టర్‌తో సెన్సేషనల్ హిట్ సాధించిన తర్వాత బాలకృష్ణ నటిస్తోన్న సినిమా కావటంతో సినిమాపై భారీ అంచనాలు నెలకొన్నాయి.



NBK 107ను దసరాకు విడుదల చేసే అవకాశాలున్నాయనే వార్తలు సినీ సర్కిల్స్‌లో వినిపిస్తున్నాయి. ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోన్న ఈ మూవీలో శ్రుతీ హాసన్ (Shruti Haasan) హీరోయిన్. కన్నడ నటుడు దునియా విజయ్ (Duniya Vijay) ఇందులో విలన్‌గా నటిస్తున్నారు. ఈ సినిమాలో బాలకృష్ణ ద్విపాత్రాభినయం చేస్తున్నారని టాక్.