Nandamuri Balakrishna నెక్ట్స్ మూవీపై క్రేజీ అప్‌డేట్.. ఈసారి తెలంగాణ బ్యాక్‌డ్రాప్‌తో!

నందమూరి బాలకృష్ణ (Nandamuri Balakrishna) నెక్ట్స్ మూవీపై ఇంట్రస్టింగ్ అప్‌డేట్ బయటికి వచ్చింది. అనిల్ రావిపూడి (Anil Ravipudi ) దర్శకత్వం వహించబోతున్న ఈ సినిమా షూటింగ్ గత ఏడాది డిసెంబరులో ప్రారంభమైంది. ఈ మూవీలో యంగ్ హీరోయిన్ శ్రీలీల ఓ కీలక పాత్ర పోషిస్తుండగా.. తమన్ సంగీతం అందిస్తున్నాడు. షైన్ స్క్రీన్ బ్యానర్‌పై ఈ మూవీ తెరకెక్కుతోంది. అయితే సినిమాకి ఇంకా టైటిల్ పెట్టలేదు. కానీ.. NBK 108 అనే వర్కింగ్ టైటిల్‌తో షూటింగ్ జరుపుకుంటోంది. ఈ ఏడాదిని వీరసింహా రెడ్డి మూవీతో బాలయ్య ఘనంగా ప్రారంభించారు. గోపీచంద్ మలినేని దర్శకత్వం వహించిన ఈ సినిమా రాయలసీమ ఫ్యాక్షన్ బ్యాక్‌డ్రాప్‌తో వచ్చి రూ.100 కోట్లు పైనే వసూళ్లని రాబట్టింది. వాస్తవానికి మూవీకి తొలి రోజే మిక్స్‌డ్ టాక్ వచ్చింది. కానీ అనూహ్యరీతిలో ఇండియాతో పాటు ఓవర్సీస్‌లోనూ రికార్డు స్థాయిలో కలెక్షన్లని రాబట్టేసింది. దాంతో హైదరాబాద్‌లో వీరసింహా రెడ్డి టీమ్ సక్సెస్‌ మీట్‌ని ఏర్పాటు చేసింది. ఈ మీట్‌కి హాజరైన అనిల్ రావిపూడి.. బాలయ్య నెక్ట్స్ మూవీ గురించి అప్‌డేట్ చెప్పేశాడు.

NBK 108 గురించి అనిల్ రావిపూడి మాట్లాడుతూ ఈసారి బాలయ్య రాయలసీమలో కాదు.. తెలంగాణలో దిగుతుండు.. బాక్సాఫీస్ వద్ద ఊచకోత షురూ చేస్తడు.. కలెక్షన్లతో ఖుర్బానీ పెడ్తడు.. గెట్‌ రెడీ అంటూ అభిమానులకి హింట్ ఇచ్చేశాడు. రాయలసీమ ఫ్యాక్షన్ బ్యాక్‌డ్రాప్‌తో ఇప్పటికే చాలా సినిమాలు చేసిన బాలకృష్ణ. తెలంగాణ యాసలో మాత్రం పెద్దగా చేయలేదు. దాంతో తెలంగాణ స్టయిల్‌లో బాలయ్య ఎలా డైలా‌గ్‌లు చెప్తాడో అనే ఆసక్తి అందరిలోనూ నెలకొంది.

వీరసింహా రెడ్డి మూవీలో బాలయ్యకి జోడీగా శృతి హాసన్, హనీ రోస్ యాక్ట్ చేశారు. అయితే.. ఈ NBK108కి కూడా హనీరోస్‌ని కొనసాగించమని బాలకృష్ణ సూచించినట్లు వార్తలు వస్తున్నాయి. బాలయ్య, హనీరోస్ సరదాగా చేతులు పెనవేసుకుని మరీ మద్యం సేవిస్తున్న ఫొటో ఒకటి సోషల్ మీడియాలో సోమవారం వైరల్‌గా మారింది. దాంతో హనీ రోస్ నెక్ట్స్ మూవీలో కూడా ఫిక్స్ అంటూ నందమూరి అభిమానులు జోస్యం చెప్తున్నారు.

Read Latest Telugu Movies News , Telugu News