Kalyan Ram: ‘బింబిసార’ ట్రైలర్ గ్లింప్స్.. ‘ఓ యుద్ధం మీద ప‌డితే ఎలా ఉంటుందో చూస్తారా’

హిట్ ఫ్లాప్‌లతో సంబంధం లేకుండా కళ్యాణ్ రామ్ వరుస సినిమాలు చేసుకుంటూ పోతున్నారు. ఎన్‌టీఆర్ ఆర్ట్స్ బ్యాన‌ర్‌పై క‌ళ్యాణ్‌రామ్ స్వీయ నిర్మాణంలో తెరకెక్కిన హిస్టారికల్ మూవీ ‘బింబిసార’ . మల్లిడి వశిష్ఠ ఈ చిత్రానికి దర్శకత్వం వహిస్తున్నారు. ‘బింబిసార’ టైటిల్‌తో పాటు ఇందులో కళ్యాణ్ రామ్ గెటప్ కూడా ఆసక్తికరంగా ఉంది.

తాజాగా ఈ మూవీ రిలీజ్ డేట్‌ను ప్రకటిస్తూ.. ట్రైలర్ గ్లింప్స్‌ను విడుద‌ల చేశారు. ‘ఓ యుద్ధం మీద ప‌డితే ఎలా ఉంటుందో చూస్తారా’ అంటూ కళ్యాణ్ రామ్ భయపెట్టేస్తున్నాడు. రాజులు, రాజ్యాలు, యుద్ధాలు.. ఇలా భారీ ఫాంటసీ యాక్షన్ ఎపిసోడ్స్ చాలానే కనిపిస్తున్నాయి. ఆగష్టు 5 (Bimbisara Release Date) ఈ సినిమా విడుదల కానుండగా.. జూన్ 4న ట్రైలర్‌ (Bimbisara Trailer Release Date) రానుంది. ఈ మూవీ ప్రమోషన్స్‌లో భాగంగా విడుదలైన ట్రైలర్ గ్లింప్స్‌కి మంచి రెస్పాన్స్ రావడంతో యూట్యూబ్‌లో ట్రెండింగ్‌ అవుతోంది.

పునర్జన్మల నేపథ్యంలో తెరకెక్కిన ఈ చిత్రంలో కళ్యాణ్ రామ్ డ్యుయల్ రోల్ పోషిస్తున్నారు. కేథ‌రిన్ ట్రెసా, సంయుక్త మీన‌న్, వారినా హుస్సేన్‌లు క‌థానాయిక‌లుగా న‌టిస్తున్నారు. బడ్జెట్ విషయంలో వెనకడుగు వేయకుండా పాన్ ఇండియా స్థాయిలో ఈ చిత్రాన్ని భారీ బడ్జెట్‌తో నిర్మించారు కళ్యాణ్ రామ్.

‘గౌతమి పుత్ర శాతకర్ణి’, ‘జై సింహా’, ‘కంచె’ సినిమాలకు సంగీతం అందించిన చిరంతన్ భట్ ‘బింబిసార’చిత్రానికి మ్యూజిక్ అందిస్తుండటంతో అంచనాలు పెరిగాయి. మరి అందరి అంచనాలను ‘బింబిసార’ అందుకుంటూ ఏమేరకు ఆకట్టుకుంటాడో చూడాలి.