Taraka Ratna త్వరగా కోలుకుని రా.. నందమూరి కళ్యాణ్ రామ్ ఎమోషనల్

నందమూరి తారక రత్న (Nandamuri Taraka Ratna) ఆరోగ్య పరిస్థితి విషమంగా ఉన్నట్లు వార్తలు వస్తుండటంతో అతని సోదరుడు నందమూరి కళ్యాణ్ రామ్ (Nandamuri Kalyan Ram) ఎమోషనల్‌గా సోషల్ మీడియాలో స్పందించారు. నారా లోకేష్ శుక్రవారం కుప్పంలో ప్రారంభించిన ‘యువ గళం’ పాదయాత్రలో పాల్గొన్న నందమూరి తారక రత్న.. కాసేపు లోకేష్‌తో కలిసి నడిచారు. ఆ తర్వాత సడన్‌గా అస్వస్థతకి గురై కళ్లు తిరిగి పడిపోవడంతో తెలుగు దేశం కార్యకర్తలు సమీపంలోని ఆసుపత్రికి తరలించారు.
ప్రాథమిక చికిత్స అనంతరం కుప్పంలోని పీఈఎస్ మెడికల్ కాలేజ్‌‌కి తారక రత్నని తరలించారు. అక్కడి వైద్యులు యాంజియోగ్రామ్ చేశారు. అనంతరం తారక రత్న కాస్త కోలుకున్న తర్వాత అంబులెన్స్‌లో కుప్పం నుంచి బెంగళూరులోని నారాయణ హృదయాలయ ఆసుపత్రికి శుక్రవారం రాత్రి తరలించారు. ఈరోజు మధ్యాహ్నం తారక రత్న హెల్త్ బులిటెన్‌ని ఆసుపత్రి వర్గాలు విడుదల చేశాయి. తారక రత్నకి ఎక్మో ద్వారా కృత్రిమ శ్వాస అందిస్తున్నామని ఆ బులిటెన్‌లో పేర్కొన్న వైద్యులు.. గుండె నాళాల్లోకి రక్త ప్రసరణ సరిగా కావడం లేదని వెల్లడించారు. దాంతో బెలూన్‌ యాంజియోప్లాస్టీ ద్వారా రక్తాన్ని పంపింగ్ చేసేందుకు ట్రై చేస్తున్నట్లు అందులో పేర్కొన్నారు.

తారక రత్న హెల్త్ బులిటెన్ విడుదలైన కొద్దిసేపటికే అతని సోదరుడు నందమూరి కళ్యాణ్ ట్విట్టర్ ద్వారా స్పందించారు. ‘నా సోదరుడు నందమూరి తారక రత్న త్వరగా కోలుకోవాలని కోరుకుంటున్నా. త్వరగా కోలుకోని పూర్తి ఆరోగ్యంతో తిరిగిరా’ అంటూ కళ్యాణ్ రామ్ ఎమోషనల్ అయ్యారు. నందమూరి కళ్యాణ్ రామ్ నటించిన అమిగోస్ మూవీ ఫిబ్రవరి 10న వరల్డ్‌వైడ్‌గా రిలీజ్‌కానుంది.

Read Latest Telugu Movies News , Telugu News