Taraka Ratna Health Condition కారణంగా.. అమిగోస్ రీమిక్స్ సాంగ్ రిలీజ్ వాయిదా

నందమూరి కళ్యాణ్ రామ్ (Nandamuri Kalyan Ram) నటించిన ‘అమిగోస్’ (Amigos) మూవీ ఫిబ్రవరి 10న రిలీజ్ కాబోతోంది. ఈ సినిమాలో మూడు భిన్నమైన పాత్రల్లో కళ్యాణ్ రామ్ నటించగా.. అతనికి జోడీగా కన్నడ హీరోయిన్ ఆషికా రంగనాథ్‌ యాక్ట్ చేసింది. ఈ మూవీ నుంచి శనివారం విడుదల కావాల్సి ఉన్న రీమిక్స్ సాంగ్‌ని చిత్ర యూనిట్ వాయిదా వేసింది. నందమూరి కళ్యాణ్ రామ్ సోదరుడు నందమూరి తారక రత్న (Tarakaratna) హెల్త్ కండీషన్ క్రిటికల్‌గా ఉండటంతో ఈ పాట రిలీజ్‌ని వాయిదా వేశారు. మైత్రీ మూవీ మేకర్స్ బ్యానర్‌పై అమిగోస్ మూవీ వస్తుండగా.. ఈరోజు సాంగ్ రిలీజ్ వాయిదా విషయాన్ని సోషల్ మీడియా ద్వారా మైత్రీ మూవీ మేకర్స్ అధికారికంగా ప్రకటించింది. ‘‘తారక రత్న గారి హెల్త్ కండీషన్ దృష్ట్యా ‘ఎన్నోరాత్రులొస్తాయి’ సాంగ్ రిలీజ్‌ని వాయిదా వేస్తున్నాం. అలానే తారక రత్న వేగంగా కోలుకోవాలని ప్రార్థిస్తున్నాం’ అని ఓ ప్రకటనని విడుదల చేసింది.

నందమూరి బాలకృష్ణ నటించిన ‘ధర్మక్షేత్రం’మూవీలోని ‘ఎన్నో రాత్రులొస్తాయి’ పాటని అమిగోస్ కోసం రీమిక్ చేశారు. 1992లో వచ్చిన ఆ మూవీలో బాలకృష్ణతో కలిసి అప్పట్లో దివ్య భారతి ఈ సాంగ్‌కి డ్యాన్స్ చేసింది. అప్పట్లో సూపర్ హిట్‌గా నిలిచిన ఈ పాటని.. రీమేక్ చేయగా.. నందమూరి కళ్యాణ్‌తో కలిసి ఆషికా రంగనాథ్‌ డ్యాన్స్ చేస్తున్న పాటకి సంబంధించిన టీజర్‌ని శుక్రవారం చిత్ర యూనిట్ రిలీజ్ చేసింది.

నారా లోకేష్ శుక్రవారం తలపెట్టిన యువగళం పాదయాత్రలో పాల్గొన్న తారక రత్న అస్వస్థతకి గురై కిందపడిపోయిన విషయం తెలిసిందే. అతడ్ని తొలుత కుప్పంలోని ఆసుపత్రికి తరలించి చికిత్స అందించారు. ఆ తర్వాత శుక్రవారం రాత్రి బెంగళూరుకి తరలించగా.. ప్రస్తుతం అక్కడే చికిత్స పొందుతున్నారు. తారక రత్న త్వరగా కోలుకోవాలని ఇప్పటికే నందమూరి కళ్యాణ్ రామ్ కూడా ట్వీట్ చేశారు.


Read Latest Telugu Movies News , Telugu News