నేచురల్ స్టార్ నాని (Nani) సాధారణంగా ఏడాదికి రెండు మూడు సినిమాలను ప్రేక్షకుల ముందుకు తీసుకొస్తుంటారు. అయితే కిందటేడాది నాని హీరోగా ఒకే ఒక్క సినిమా వచ్చింది. అదే ‘అంటే సుందరానికీ’. ఆ సినిమా విడుదలైన సుమారు 9 నెలలకు ఈ ఏడాది మార్చి 30న ‘దసరా’ విడుదలైంది. ‘అంటే సుందరానికీ’ సినిమా తరవాత నాని దృష్టి మొత్తం ‘దసరా’ సినిమా పైనే పెట్టారు. ఇది తన తొలి పాన్ ఇండియా ప్రాజెక్ట్ కావడంతో దీని కోసమే డెడికేటెడ్గా పనిచేశారు. అదే సమయంలో తన 30వ సినిమా గురించి క్లూ కూడా ఇచ్చారు. తన తరవాత సినిమా ఒక ఎమోషనల్ డ్రామా కాబోతోందని ఆ మధ్య ప్రెస్ మీట్లలో నాని అన్నారు. ఈ సినిమా అప్డేట్ను ఈరోజు నాని ప్రేక్షకులకు ఇచ్చారు. ఈ ఏడాది ‘దసరా’ ఒక్క సినిమానేనా అని అనుమానపడుతోన్న అభిమానులకు లేదు మరో సినిమా ఉందని నేటి అప్డేట్తో నాని స్పష్టం చేశారు. నాని 30వ సినిమా ఈ ఏడాది డిసెంబర్ 21న ప్రేక్షకుల ముందుకు వస్తోంది. ఈ విషయాన్ని ఒక పోస్టర్ ద్వారా నాని వెల్లడించారు. పోస్టర్ను ట్వీట్ చేసిన నాని.. 2023 ఒక సెలబ్రేషన్తో ముగియబోతోంది అని పేర్కొన్నారు. ఈ పోస్టర్లో ఆయన ఒక పాపను ఆప్యాయంగా దగ్గరకు తీసుకొని ఉన్నారు. వైరా ఎంటర్టైన్మెంట్ సంస్థ నిర్మిస్తోన్న ఈ సినిమా ద్వారా శౌర్యవ్ దర్శకుడిగా పరిచయం అవుతున్నారు. అంతేకాదు, ఈ సినిమాలో ‘సీతారామం’ ఫేమ్ మృణాల్ ఠాకూర్ హీరోయిన్గా నటిస్తున్నారు.
మోహన్ లాల్ సూపర్ హిట్ మూవీ ‘లూసిఫర్’కు సినిమాటోగ్రఫీ అందించిన సాను జాగ్ వర్గీస్.. నాని 30వ సినిమాకు పనిచేస్తున్నారు. అలాగే, ‘ది గ్రేట్ ఇండియన్ కిచెన్’, ‘వైరస్’ సినిమాలకు పనిచేసిన మ్యూజిక్ కంపోజర్ హేషమ్ అబ్దుల్ వాహబ్ ఈ చిత్రానికి సంగీతం సమకూరుస్తున్నారు. జోతిష్ శంకర్ ఆర్ట్ డైరెక్టర్.
ఇదిలా ఉంటే, వెంకటేష్ హీరోగా శైలేష్ కొలను దర్శకత్వంలో రూపొందుతోన్న యాక్షన్ థ్రిల్లర్ ‘సైంధవ్’కు పోటీగా నాని సినిమా విడుదల కాబోతోంది. ‘సైంధవ్’ మూవీని క్రిస్మస్ కానుకగా డిసెంబర్ 22న విడుదల చేయబోతున్నట్టు ఇప్పటికే ప్రకటించారు. ఇప్పుడీ సినిమాతో పోటీకి నాని రెడీ అయ్యారు. ‘సైంధవ్’ విడుదల కావడానికి ఒక్కరోజు ముందు నాని 30వ సినిమా రిలీజ్ అవుతుంది. అయితే, ఈ రెండు సినిమాల జానర్లకు సంబంధమే లేదు. ‘సైంధవ్’ సైన్స్ ఫిక్షన్తో కూడిన యాక్షన్ థ్రిల్లర్. నాని సినిమా సెంటిమెంట్తో కూడుకున్న ఫ్యామిలీ డ్రామా. కాబట్టి ఎవరి దారి వారిదే. కానీ, ఈ రెండు సినిమాలతో పాటు మరో పెద్ద సినిమా ఏదైనా పోటీకి దిగితే అప్పుడు థియేటర్ల సమస్య తలెత్తుతుంది.
మోహన్ లాల్ సూపర్ హిట్ మూవీ ‘లూసిఫర్’కు సినిమాటోగ్రఫీ అందించిన సాను జాగ్ వర్గీస్.. నాని 30వ సినిమాకు పనిచేస్తున్నారు. అలాగే, ‘ది గ్రేట్ ఇండియన్ కిచెన్’, ‘వైరస్’ సినిమాలకు పనిచేసిన మ్యూజిక్ కంపోజర్ హేషమ్ అబ్దుల్ వాహబ్ ఈ చిత్రానికి సంగీతం సమకూరుస్తున్నారు. జోతిష్ శంకర్ ఆర్ట్ డైరెక్టర్.
ఇదిలా ఉంటే, వెంకటేష్ హీరోగా శైలేష్ కొలను దర్శకత్వంలో రూపొందుతోన్న యాక్షన్ థ్రిల్లర్ ‘సైంధవ్’కు పోటీగా నాని సినిమా విడుదల కాబోతోంది. ‘సైంధవ్’ మూవీని క్రిస్మస్ కానుకగా డిసెంబర్ 22న విడుదల చేయబోతున్నట్టు ఇప్పటికే ప్రకటించారు. ఇప్పుడీ సినిమాతో పోటీకి నాని రెడీ అయ్యారు. ‘సైంధవ్’ విడుదల కావడానికి ఒక్కరోజు ముందు నాని 30వ సినిమా రిలీజ్ అవుతుంది. అయితే, ఈ రెండు సినిమాల జానర్లకు సంబంధమే లేదు. ‘సైంధవ్’ సైన్స్ ఫిక్షన్తో కూడిన యాక్షన్ థ్రిల్లర్. నాని సినిమా సెంటిమెంట్తో కూడుకున్న ఫ్యామిలీ డ్రామా. కాబట్టి ఎవరి దారి వారిదే. కానీ, ఈ రెండు సినిమాలతో పాటు మరో పెద్ద సినిమా ఏదైనా పోటీకి దిగితే అప్పుడు థియేటర్ల సమస్య తలెత్తుతుంది.