‘ఎంసీఏ’ పాటల వేడుక ఎప్పుడంటే!!

నేచురల్ స్టార్ నాని-సాయి పల్లవి జంటగా నటించిన లేటెస్ట్ మూవీ ‘ఎంసీఏ- మిడిల్ క్లాస్ అబ్బాయ్’. శ్రీరామ్ వేణు దర్శకత్వంలో తెరకెక్కిన లవ్ అండ్ ఎంటర్టైనర్ మూవీ షూటింగ్ అనంతర కార్యక్రమాల్లో బిజీగా ఉంది. ఇటీవల విడుదలైన టీజర్‌కు అద్భుతమైన రెస్పాన్స్ రావడంతో త్వరలో ఆడియో వేడుకను నిర్వహించేందుకు ప్లాన్ చేస్తున్నారు. ఈ నెల 25న ఆడియోను విడుదల చేసి.. అదే కార్యక్రమంలో ట్రైలర్ లాంచ్ చేయనున్నట్లు సమాచారం.

శ్రీ వెంకటేశ్వర క్రియేషన్స్ బ్యానర్‌పై దిల్‌రాజు నిర్మాతగా వస్తున్న ఈ చిత్రానికి దేవీ శ్రీ ప్రసాద్ సంగీతాన్ని అందిస్తుండగా... ప్రముఖ హీరోయిన్ భూమిక ఇందులో ఓ కీలక పాత్రలో నటించనున్నారు. క్రిస్మస్ కానుకగా ‘ఎంసీఏ- మిడిల్ క్లాస్ అబ్బాయ్’ థియేటర్స్‌లో సందడి చేయనున్నాడు.