రెజీనాకు.. హీరో నాని సర్‌ప్రైజ్ గిఫ్ట్!

హీరో నాని.. హీరోయిన్‌ రెజీనాకు పుట్టినరోజు కానుకతో ఆశ్చర్యపరిచాడు. నాని నిర్మిస్తున్న ‘అ!’ సినిమాలో రెజీనా ప్రధాన పాత్ర పోషిస్తున్న సంగతి తెలిసిందే. బుధవారం రెజీనా పుట్టినరోజు సందర్భంగా ఆమెకు శుభాకాంక్షలు చెబుతూ ‘అ!’ బృందం ఫస్ట్‌లుక్‌ను విడుదల చేసింది. ఇందులో రెజీనా చేతులు, వీపుపై టాటూలు, భిన్న కేశాలంకరణతో ప్రతినాయికలా కనిపిస్తోంది. ఈ సినిమాలో రెజినాతోపాటు కాజల్‌, నిత్యా మేనన్‌ కూడా ఉన్నారు. ఈషా రెబ్బా, అవసరాల శ్రీనివాస్‌ తదితరులు కీలక పాత్రల్లో కనిపించనున్నారు.

ఈ పోస్టర్‌ను నాని ట్విటర్‌ వేదికగా పంచుకుంటూ.. ‘నువ్వు దీని కోసం ఎంత కష్టపడ్డావో నాకు తెలుసు రెజీనా. ‘అ!’ చిత్ర బృందం నుంచి.. నీకు పుట్టిన రోజు శుభాకాంక్షలు’ అని తెలిపాడు. రెజీనా స్పందిస్తూ.. ‘‘ఇది నాకు ఉత్తమ పుట్టినరోజు బహుమతి నాని’’ అని తెలిపింది. విభిన్న కథాంశంతో తెరకెక్కుతున్న ఈ సినిమాపై ఇప్పటికే అంచనాలు పెంచేసింది.

ఇందులో చేప, మొక్క అనే రెండు పాత్రలు కూడా ఉన్నాయి. చేపకు నాని, మొక్కకు రవితేజ వాయిస్ ఓవర్ ఇస్తున్నారు. ఈ సినిమా షూటింగ్ 80 శాతం పూర్తయినట్లు నాని తెలిపాడు. వచ్చే ఏడాది ఫిబ్రవరిలో ఈ సినిమా విడుదల కానుంది.

I know how much u worked hard on this one reg @ReginaCassandra 🤗 Wishing you a very very happy birthday from team #AWE :) https://t.co/kM0hNEmEQi — Nani (@NameisNani) December 13, 2017