నాని (Nani) తాజాగా ట్విట్టర్ తన ఆనందాన్ని వ్యక్తం చేశాడు. అమితాబ్ బచ్చన్(Amitabh Bachchan)తో దిగిన ఫోటోలను షేర్ చేస్తూ.. ఫ్యాన్ మూమెంట్ అంటూ గాల్లో తేలిపోయాడు. ఇక అమితాబ్ సైతం ప్రాజెక్ట్ కే సెట్లో ఇలా స్టార్లందరినీ కలవడంపై ట్వీట్ వేశాడు. దర్వకేంద్రుడు రాఘవేంద్రరావు లెజెండ్ అని, ప్రభాస్ బాహుబలి అని.. నాని ఓ స్టార్ అని, దుల్కర్ ఓ స్టార్ అంటూ ఇలా అందరి గురించి చెబుతూ ట్వీట్ వేశాడు. నిన్న ఎంతో గొప్పగా అనిపించిందని, వారందరినీ కలిసిన తరువాత కారులో వెళ్తుంటే.. అద్దాలను ఎవరు తట్టినట్టు అనిపించింది.. తీరా చూస్తే అది ఆమిర్ ఖాన్ అని చెప్పేశాడు అమితాబ్. అలా బిగ్ బీ వేసిన ట్వీట్కు నాని స్పందించాడు. తన ఫ్యాన్ మూమెంట్ ఫోటోలను షేర్ చేశాడు.
ప్రాజెక్ట్ కే సినిమాకు సంబంధించిన కొత్త షెడ్యూల్ పూర్తయింది. ఈ నెలలో మొదలైన షెడ్యూల్ మొత్తానికి సక్సెస్ ఫుల్గా కంప్లీట్ అయింది. ఇక అమితాబ్ ముంబైకి బయల్దేరేందుకు సిద్దమయ్యాడు. అయితే ఇంతలోపు దర్శకేంద్రుడు రాఘవేంద్రరావు, దుల్కర్ సల్మాన్, నాని వంటి వారితో బిగ్ బీ మీటింగ్ ఏర్పాటు చేసినట్టున్నాడు అశ్వనీదత్. అలా మొత్తానికి ప్రభాస్, నాగ్ అశ్విన్, రాఘవేంద్రరావు, దుల్కర్ సల్మాన్ వంటి వారంతా ఒకే ఫ్రేమ్లోకి వచ్చారు. ఇలా అందరితో కలిసి టైం గడపటంపై బిగ్ బీ ట్వీట్ వేశాడు. అలా అమితాబ్ వేసిన ట్వీట్కు నాని స్పందిస్తూ.. తన అభిమానాన్ని చాటుకున్నాడు. మొత్తానికి ఈఫోటోలు మాత్రం ఇప్పుడు నెట్టింట్లో ట్రెండ్ అవుతున్నాయి.
Amitabh Bachchan : నాని ఓ స్టార్.. బిగ్ బీ ట్వీట్.. ఫ్యాన్ మూమెంట్!
నాని (nani) తాజాగా అమితాబ్ బచ్చన్ (Amitabh Bachchan)తో కలిసి ఉన్న ఫోటోలను షేర్ చేశాడు. ప్రాజెక్ట్ కే సెట్ (Project k Set)లో స్టార్లు సందడి చేశారు. ఈ ఫోటోలు నెట్టింట్లో తెగ వైరల్ అవుతున్నాయి.
ప్రధానాంశాలు:
- ప్రాజెక్ట్ కే సెట్లో స్టార్ల సందడి
- అమితాబ్తో నాని, దుల్కర్
- గాల్లో తేలిపోయిన నేచురల్ స్టార్