నాని వినిపిస్తున్న ‘చిత్రలహరి’

అప్పట్లో దూరదర్శన్‌లో శుక్రవారం రాత్రి 8 గంటలకు ప్రసారం అయ్యే ‘చిత్రలహరి’ కార్యక్రమం ఎంత పాపులర్ అయ్యిందో అందరికీ తెలిసిందే. ఇప్పుడు ఈ కార్యక్రమంతో పేరుతో నేచురల్ స్టార్ నాని ‘చిత్ర లహరి’ అంటూ ప్రేక్షకుల ముందుకు రాబోతున్నాడు. టాలీవుడ్‌లో వరుస విజయవంతమైన చిత్రాలతో నటిస్తున్న నాని తాజాగా ఎంసీఏ(మిడిల్ క్లాస్ అబ్బాయ్)లో నటిస్తున్న విషయం తెలిసిందే. ఫిదా బ్యూటీ సాయి పల్లవి నానితో జతకడుతుండగా.. వేణు శ్రీరామ్ దర్శకత్వం వహిస్తున్నారు. దీపావళి సందర్భంగా నిన్న (బుధవారం) విడుదలైన ఎంసీఏ ఫస్ట్‌ లుక్ ప్రేక్షకులను ఆకట్టుకుంది.

మిడిల్ క్లాస్ అబ్బాయ్ ఫస్ట్ ‌లుక్ కోసం క్లిక్ చేయండి.

ఇదిలాఉంటే ‘ఎంసీఏ’మూవీ తరువాత నాని మరింత స్పీడ్ పెంచేందుకు వరుస చిత్రాలను లైన్‌లో పెట్టాడు. ఇప్పటికే ఎంసీఏ తరువాత మేర్లపాక గాంధీ డైరెక్షన్‌లో ‘కృష్ణార్జున యుద్ధం’లో నటిస్తుండగా తాజాగా కిషోర్ తిరుమల డైరెక్షన్‌లో లవ్ అండ్ ఫ్యామిలీ ఎంటర్టైనర్‌లో నాని నటిస్తున్నారు. ఈ మూవీకి ‘చిత్ర లహరి’ అనే క్యాచీ టైటిల్‌ను ఖాయం చేసినట్లు తెలుస్తోంది. ప్రీ ప్రొడక్షన్ పనులు పూర్తి కావడంతో ఈ మూవీని వచ్చే జనవరిలో పట్టాలెక్కించి సమ్మర్‌లో విడుదల చేసేందుకు ప్లాన్ చేస్తున్నారు చిత్రయూనిట్.